«Рыцарскі фэст» адбыўся ў Мсціславе

27.07.2010

 - Статьи / Отзывы о путешествиях

Автор: Фота Дзяніса РАМАНЮКА


«Рыцарскі фэст» адбыўся ў Мсціславе

Мінулыя выхадныя зноў выдаліся спякотнымі. Аднак замест таго, каб бавіць час на беразе возера, аматары гісторыі выправіліся ў накірунку Мсціслава. Рыцарскі фэст у горадзе – з’ява ўжо традыцыйная: сёлета свята адбылося ў трэці раз.

Мінулыя выхадныя зноў выдаліся спякотнымі. Аднак замест таго, каб бавіць час на беразе возера, аматары гісторыі выправіліся ў накірунку Мсціслава. Рыцарскі фэст у горадзе – з’ява ўжо традыцыйная: сёлета свята адбылося ў трэці раз. 

Праграма фестываля, разлічаная на два дні, была вельмі насычаная. Падзеі разгортваліся адразу на некалькіх пляцоўках горада: у Доме дзіцячай творчасці, у Іезуіцкім кляштары, у гарадскім парку, на цэнтральнай і рынкавай плошчах, на Замкавай гары. Адбываліся экскурсіі па старажытным Мсціславе. Адна з іх праходзіла па тэрыторыі калегіума Іезуіцкага кляштара. Удзельнікі экскурсіі наведалі экспазіцыю археалагічнага музея, а таксама выставу-дэгустацыю вінных і безалкагольных напояў «Мсціслаўскі паграбок». Падчас свята дзейнічаў горад майстроў, на розных пляцоўках адбываліся бугурты, двубоі, турніры. Шмат увагі надавалася і сярэднявечнай кухні. Увечары гасцей Мсціслава чакала сярэднявечная дыскатэка.

Адкрыццё фестываля пачалося з малебнаў у Кафедральным саборы Аляксандра Неўскага і ў Кармеліцкім касцёле ў гонар ваяроў-мсціслаўцаў, якія загінулі, абараняючы айчыну. На Замкавай гары адбываліся турніры мечнікаў. Двубоі былі складанымі. Цяжка даводзілася рыцарам і з-за моцнай спёкі. Але перамагчы імкнуўся кожны, бо пераможцу чакаў прыгожа аздоблены гербам Мсціслава меч ручной работы. 

  IMG_1276_

 IMG_1528_

 IMG_1603_

Шмат гледачоў сабралі вакол сябе лучнікі. Сярод цікаўных асабліва шмат было дзетак. Пасля спаборніцтваў нацягнуць цеціву і пусціць стралу змог кожны жадаючы. 

 IMG_0897_

У перапынках паміж спаборніцтвамі жыхары рыцарскага стану адпачывалі.

 IMG_0937_

Адным з кульмінацыйных момантаў свята стаў штурм цытадэлі. Гледачы ўбачылі сапраўдную асаду замка. Яго бралі з дапамогай агню і мужнасці ваяроў.

 IMG_2434_

 IMG_1340_

Пасля штурма замка стомленым рацырам дапамагалі дзяўчаты ў сярэднявечных строях – сцюдзёная вада з глінянага збанка добра танізуе і здымае стому. 

 IMG_1367_

Штурм цытадэлі сабраў шмат гледачоў. Дзеці паспелі ўладкавацца на самых зручных месцах.

 IMG_1629_

У ансамблі Іезуіцкага кляштара суботнім вечарам сабраліся аматары сярэднявечнай музыкі. На сцэне граў гурт «Стары Ольса». Сярэднявечныя танцы развучвалі хлопцы і дзяўчаты з тэатра «Яварына».

 IMG_0948_

 IMG_0985_

Пасля дзесяці гадзін вечара, калі сцямнела і трошкі спала спёка, госці фестываля ўбачылі вогненнае шоў у выкананні калектываў «Гістрыён», «Яварына» і вогненнага цырка «Крэсіва».

IMG_2384_

 

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах