Выстава ?«І рай і боль на Песеннай зямлі»

17.03.2014

 - Календарь событий

Выстава ?«І рай і боль на Песеннай зямлі»

21 сакавіка 2014 г. а 16-й гадзіне ў Нацыянальным гістарычным музеі Рэспублікі Беларусь адкрываецца выстава «І рай і боль на Песеннай зямлі». Упершыню прэзентуецца вялікі комплекс графічных твораў беларускіх мастакоў 1920–1930 гг. этнаграфічнай тэматыкі, які быў сфарміраваны ў зборы музея ў тыя часы.

Мастацкія калекцыі Нацыянальнага гістарычнага музея Рэспублікі Беларусь  пачалі актыўна фарміравацца ў 1920-я гг., калі Беларускі дзяржаўны музей (зараз НГМ РБ) плённа супрацоўнічаў з Інстытутам беларускай культуры, Цэнтральным бюро краязнаўства. Ладзіліся сумесныя навуковыя экспедыцыі, выданні, выставачныя праекты.

Актыўны краязнаўчы рух – асаблівасць эпохі, ён ахапіў літаральна ўсю Беларусь. Гэта аказала вялікі ўплыў на камплектаванне музейных збораў, у тым ліку мастацкіх. Этнаграфічная тэматыка стала адным з галоўных крытэрыяў адбору.

Мастакі прымалі ўдзел у розных экспедыцыях у якасці зарысоўшчыкаў, праводзіліся і асобныя экспедыцыі мастакоў. Збор музея хутка папаўняўся графічнымі творамі як  навукова-прыкладнога характару, так і графічнымі аркушамі высокіх мастацкіх якасцей.

Супрацоўнікамі нашага музея ў той час былі выдатныя мастакі Беларусі: М. Філіповіч, Я. Кругер, Г. Віер. Іх творы складаюць адзін з комплексаў на выставе.

А. Астаповіч, А. Тычына, М. Дучыц, М. Аксельрод, О. Марыкс, М. Горшман – графіка гэтых знакамітых мастакоў адлюстроўвае на выставе мастацтва Савецкай Беларусі.

Віцебск – унікальны горад па сваіх мастацкіх традыцыях. Творы С. Юдовіна, Л. Зевіна, Р. Семашкевіча, Г. Паўлоўскага, М. Пашкевіча, Ф. Аляхновіча, Г. Аўчыннікава, М. Эндэ, А. Бразера, І. Сонкіна на выставе прадстаўляюць віцебскіх мастакоў, студэнтаў і выкладчыкаў Віцебскага мастацкага тэхнікума.

Беларусь у 1921–1939 гг. была падзелена дзяржаўнай мяжой, але народ заставаўся адзіным у любві да сваёй Радзімы.

Выстава «І рай і боль на Песеннай зямлі» працягвае доўгатэрміновы навукова-экспазіцыйны праект Нацыянальнага гістарычнага музея Рэспублікі Беларусь «У пошуках страчанага», які прысвечаны гісторыі музея.

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах