Музей традыцыйнага ручнога ткацтва Паазер'я запрашае на сустрэчы

02.04.2014

 - Календарь событий

Музей традыцыйнага ручнога ткацтва Паазер'я запрашае на сустрэчы

Пасля зімы вясна выглядае соннай, крыху няўпэўненай. Але з кожным днём прырода пачынае набіраць сілу. Цёплыя сонечныя прамяні кажуць аб тым, што прыйшоў час для вясны, і заўважаеш, што сонца не свеціць аднекуль з вышыні, яго святло разліта паўсюдна. Зіма тут больш не гаспадыня, паведамляе Museum.by.

Загукальныя песні, гульні і карагоды адкрылі новы сезон у музеі, які аднаўляе пачатую ў мінулым годзе дзейнасць Клуба выхаднога дня.

Сёлета мы прапануем не толькі бацькам з дзецьмі правесці вольны час разам. Мы запрашаем усіх, хто цікавіцца культурай і традыцыямі роднага краю.

Этнічныя асаблівасці культуры беларусаў, сімвалічныя асновы традыцыйных рамёстваў, народныя назвы зорак, сузор’яў, асновы сямейнай абраднасці, культавыя крыніцы, песні, легенды і паданні – вось некаторыя тэмы нашых сустрэч.

Клуб будзе збірацца не толькі ў выхадны дзень.
Сачыце за нашымі абвесткамі.
Мы заўсёды будзем рады кожнаму з вас.

9 красавіка а 15.00

Вера Мішына і Павел Мішын – старшыя выкладчыкі кафедры сацыяльна-гуманітарных дысцыплін УА «ПДУ» пазнаёмяць са структурай і сімволікай традыцыйнага вясельнага абраду беларусаў Падзвіння, сімволікай прадметаў, якія выкарыстоўваліся на вяселлі, прыкметамі і павер’ямі ў традыцыйным вясельным абрадзе.

18 красавіка а 15.00

Вольга Лабачэўская, кандыдат мастацтвазнаўства, дацэнт кафедры этнаграфіі і фальклора БДУКМ, даследчык народнага ткацтва, прэзентуе сваю новую кнігу «Белорусский народный текстиль: художественные основы, взаимосвязи, новации».

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах