Свята беларускай кухні адбылося ў Варшаве

Свята беларускай кухні адбылося ў Варшаве

Смачная ежа, традацыйныя гульні, прызы – гэтае ды шмат іншага чакае тых, хто плануе наведаць мерапрыемства. Падзея адбылася 26.10 а 14 гадзіне ў Беларускім Доме ў Варшаве, паведамляе Беларускае Радыё Рацыя.

Па словах Змітра Бародкі, беларуская кухня разнастайная, і варта ўзгадваць свае традыцыйныя стравы.

На фоне літоўскай і польскай кухні крыху згубілася наша беларуская, таму звычайна людзі ўяўляюць дранікі і г.д. І мы вырашылі паказаць, што беларуская кухня – гэта не толькі дранікі. Асноўная ж мэта – інтэграцыя.

Упершыню Дзень беларускай кухні ў Варшаве быў праведзены год таму. Былі прадстаўлены розныя стравы, сярод якіх мачанка па-панску, «выкшталцоная» валавіна, запечаная ў гарбузе, папулярны ў сённяшняй Беларусі торт з вантробаў ды шмат чаго іншага.

Вікторыя Сцяпановіч

Мнения

Вверх