Грамадскае аб’яднанне «Беларускае добраахвотнае таварыства аховы помнікаў гісторыі і культуры» запрашае да ўдзелу ў навукова-практычнай канферэнцыі

Грамадскае аб’яднанне «Беларускае добраахвотнае таварыства аховы помнікаў гісторыі і культуры» запрашае да ўдзелу ў навукова-практычнай канферэнцыі

Мерапрыемства пройдзе 16-17 красавіка 2016 г.  

Тэматычныя раздзелы канферэнцыі: 

1.     Нацыянальнае і міжнароднае заканадаўства ў сферы гісторыка-культурнай спадчыны. Удзел грамадзянскай супольнасці ў заканадаўчым і норматворчым працэсах.

2.     Методыка і тэхнічнае нармаванне рэстаўрацыйна-аднаўленчых прац на помніках архітэктуры. Нацыянальная практыка і міжнародны вопыт

3.     Кіраванне культурнымі ландшафтамі. Праблемы дзяржаўна-грамадскага і дзяржаўна-прыватнага партнёрства

4.     Лакальныя ініцыятывы ў сферы аховы гісторыка-культурнай спадчыны – валанцёрскія працы па добраўпарадкаванню помнікаў і гістарычных мясцін, ваенна-пошукавыя працы і працы па ўвекавечанні ахвяр войн і таталітарных рэжымаў. 

Да ўдзелу запрашаюцца даследчыкі, краязнаўцы, спецыялісты ў сферы аховы гісторыка-культурнай спадчыны і рэстаўрацыі, прадстаўнікі грамадскіх аб’яднанняў, адной са статутных мэт якіх з’яўляецца ахова і папулярызацыя помнікаў гісторыі і культуры. 

Па выніках канферэнцыі будзе апублікаваны зборнік дакладаў. 

Заяўкі на ўдзел у канферэнцыі дасылаць:

1.     На электронны адрас:  antonastapovicz1@gmail.com

2.     На паштовы адрас:  220090. вул. Кальцова, 8-1-89, г. Мінск, ГА БДТАПГК. 

Апошні тэрмін прыёму заявак 01.04.2016 г. 

Даведкі па тэлефоне:  +375 29 111-73-32

Мнения

Вверх