Чым заняцца у музеі «Лошыцкая сядзіба» у маі
Людмила Бендетович
Cпециалист по туризму
г. Минск ул. Ульяновская 29
-
+375 29 653 00 33
- +375 33 653 00 33
- +375 17 366 16 669
Людмила Бендетович
Cпециалист по туризму
г. Минск ул. Ульяновская 29
-
+375 29 653 00 33
- +375 33 653 00 33
- +375 17 366 16 69
Мінчукі і госці сталіцы любяць і часта наведваюць утульны куток Мінска – Лошыцкую сядзібу. Асабліва прываблівае навадвальнікаў гэтае месца ўвесну. Мы сабралі для вас мерапрыемствы, якія ладзіць у маі мясцовы музей. Чытаем і выбіраем!
“Кола часу. Прадметы гарадской і сялянскай матэрыяльнай культуры канца ХІХ – сярэдзіны ХХ стагоддзяў"
У гэтыя дні ў прысядзібным флігелі філіяла “Музей “Лошыцкая сядзіба” працуе абноўленая экспазіцыя “Кола часу. Прадметы гарадской і сялянскай матэрыяльнай культуры канца ХІХ – сярэдзіны ХХ стагоддзяў", створаная ў супрацоўніцтве з беларускім калекцыянерам і мастаком Сяргеем Шыла.
Матэрыяльная культура – адзін з асноўных складнікаў культуры паўсядзённасці, прадстаўлены праз прадметнае асяроддзе. У залах прысядзібнага флігеля экспануюцца гаспадарчыя рэчы, падобныя якім выкарыстоўваліся ў шляхецкіх маёнтках з канца ХІХ да сярэдзіны ХХ стагоддзяў.
На сённяшні дзень, у экспазіцыі на першым паверсе прадстаўлены прадметы побыту мяжы ХІХ-ХХ стагоддзяў, сярод якіх вылучаюцца ўнікальныя самавар-кумган, ёмістыя тракцірныя самавары і “прас Льва Талстога”, сталовае начынне (разам з малапашыранай прыладай для вырабніцтва хатняй каўбасы), транспартныя сродкі – брычкі, вазкі і сані пачатку ХХ стагоддзя, а таксама ўзноўлены інтэр’еры пакоя кухаркі і сталовай.
Другі паверх прысядзібнага флігеля знаёміць наведвальнікаў з гісторыяй беларускай вышыўкі і ткацтва. У экспазіцыі прадстаўлены прылады працы і прыстасаванні, якія служылі для апрацоўкі лёну, прадзення і ткацтва, а таксама даматканыя палотны і ручнікі, якія да сярэдзіны ХХ стагоддзя былі важнай часткай нацыянальнай абрадавай традыцыі. Асаблівае месца аддадзена калекцыі швейных машынак, якія пачалі актыўна ўваходзіць у побыт людзей мяжы ХІХ-ХХ стагоддзяў.
Наведванне экспазіцыі ўключана ў агульны квіток філіяла “Музей “Лошыцкая сядзіба”.
"Вясенні салон"
З 2 мая 2018 г. у музеі “Лошыцкая сядзіба” – філіяле ДУ “Музей гісторыі горада Мінска” працуе выстава “Вясенні салон”, арганізаваная ў супрацоўніцтве з Мінскім гарадскім аддзяленнем ГА “Беларускі саюз жанчын”.
Сярод удзельніц выставы – жыхаркі розных раёнаў Мінска і супрацоўніцы арганізацый горада – аматаркі мастацтва.
На выставе прадстаўлена больш за 50 работ, створаных у разнастайных тэхніках – жывапіс, графіка, бацік, вышыўка. Разнастайнасць работ адлюстроўвае і разнастайнасць накірункаў працы аматараў мастацтва. Графічныя работы ў экспазіцыі дапаўняюцца жывапісам, лямец падтрымлівае бацік і вышыўку. Эклектычныя ноты дазваляюць максімальна поўна раскрыць усю шматбаковасць таленту прадстаўніц мастацкай ініцыятывы.
Асаблівае месца ў экспазіцыі выставы займаюць вытанчаныя саламяныя арт-аб’екты: зорка – сімвал вечнасці, святла, высокіх памкненняў і ідэалаў і шар – сімвал Сонца, які з даўніх часоў быў адным з цэнтральных элементаў беларускай нацыянальнай культуры.
Выстава працуе па 13 мая.
Пры набыцці квітка ў экспазіцыю філіяла “Музей “Лошыцкая сядзіба” наведванне выставы бясплатна.
"Музычныя сустрэчы ў сядзібным доме"
11 і 17 мая 2018 г. а 16.30 ў музеі “Лошыцкая сядзіба” – філіяле ДУ “Музей гісторыі горада Мінска” адбудуцца мерапрыемствы з цыкла “Музычныя сустрэчы ў сядзібным доме”, арганізаваныя ў супрацоўніцтве з УА “Беларуская дзяржаўная акадэмія музыкі”.
Канцэртную праграму, што ўяўляе сабой шырокую панараму твораў перыяду ХІХ-ХХІ стст., прадстаўляюць студэнты кафедры камернага ансамбля – лаўрэаты і дыпламанты міжнародных конкурсаў і фестываляў.
У вялікай гасцёўні Лошыцкай сядзібы – цэнтра свецкага жыцця ваколіц Мінская мяжы ХІХ-ХХ стст. – зноў загучаць гукі флейты, скрыпкі, віяланчэлі і фартэпіяна.
Праграму адкрыюць таленавітыя студэнты акадэміі музыкі – прадстаўнікі класаў дацэнтаў Л.Арловай і Л.Ддзядук – Марк Пракапчук і Таццяна Глушаніна з санатай Фелікса Мендэльсона. Прагучаць таксама і творы кампазітараў розных часоў: Андрэя Эшпая, Эйтора Віла-Лобоса, Франсіса Пуленка, Йоганнес Брамса.
Праграму другога вечара адкрые “Элегічнае трыа соль мінор” Сяргея Рахманінава ў выкананні Галіны Забышной, Эдуарда Радвіловіча і Міхаіла Чарнаока.
Музыканты пазнаёмяць меламанаў з творчасцю выбітных кампазітараў і падараць гасцям незабыўны вечар эстэтычнай асалоды ў сценах сядзібы ХІХ стагоддзя.
“Майскія музычныя вечары ў Лошыцкай сядзібе”
12, 19 и 26 мая адбудзецца цыкл мерапрыемстваў з музычнай праграмай “Майскія музычныя вечары ў Лошыцкай сядзібе”. Канцэртную праграму 12 мая адкрые “Еўрапейскі вечар!” у “Ноч музеяў”. 19 мая гасцей Лошіцы чакае “Музыка ў сядзібах Беларусі”, а заключным мерапрыемствам будуць 26 мая “Шэдэўры вакальнай і інструментальнай музыкі”. Мерапрыемствы адбудуцца ў рамках “Міжнароднай ночы музеяў”.
Серыя лекцый “Кабінет Яўстафія Любанскага”
18 мая 2018 г. у музеі “Лошыцкая сядзіба” адбудзецца серыя лекцый па адным з сімвалаў сядзібнага дому – зялёным каміне ў экспазіцынай залі “Кабінет Яўстафія Любанскага”.
Штогод 18 мая музейная супольнасць усяго свету адзначае адно з галоўных сваіх святаў – Міжнародны дзень музеяў. Шматлікія мерапрыемствы, канферэнцыі і інтэрактыўныя гульні напаўняюць у гэты дзень музейную прастору.
Музей “Лошыцкая сядзіба” у другі раз у сваёй гісторыі далучаецца да гэтага свята. Падарункам наведвальнікам музея стане лекцыйная праграма “Зялёны камін у Лошыцкай сядзібе”, падчас якой Вы зможаце даведацца:
дзе былі зроблены кафляныя пліткі, што ўпрыгожваюць паверхню каміна?
як гэткі дэкор звязаны з гаспадаром сядзібы Яўстафіем Іванавічам Любанскім?
і ў чым унікальнасць найцудоўнейшага інтэр’ернага элемента сядзібнага дому?
Лекцыю чытае старшы навуковы супрацоўнік філіяла Васіль Сідаровіч.
АДРАС: Лошыцкі сядзібна-паркавы комплекс, праезд Чыжэўскіх, д. 8-2.
ЧАС ПРАЦЫ МУЗЕЯ: СЕРАДА-НЯДЗЕЛЯ З 11.00 ПА 19.00.
КОШТ КВІТКА:
2 BYN – для дарослых,
1 BYN – для студэнтаў дзённай формы атрымання адукацыі,
0.50 BYN – для навучэнцаў школ і ССНУ.