<p><strong>15 мая</strong><strong> (нядзеля)</strong> <strong>а</strong><strong> 13</strong><strong>.</strong><strong>00 у </strong><strong>кавярні </strong><strong>SORSO di espresso</strong><strong>(</strong><strong>пр-т Незалежнасці, 111)</strong><strong> адбудзецца прэзентацыя кнігі Віктара Корбута «</strong><strong>Ад</strong><strong> Мінска да Вільні. Гісторыя Беларусі </strong><strong>ў</strong><strong> журналісцкіх нататках»</strong><strong>.</strong></p>

Кніга падрыхтавана на падставе архіўных дакументаў і навуковай літаратуры і ўяўляе сабой першае даследаванне, у якім разглядаецца гісторыя дзвюх сталіц – гістарычнай беларуска-літоўскай Вільні і сучаснай беларускай — Мінска ў кантэксце гісторыі Беларусі і суседніх краін ад старажытнасці да нашых дзён.

У кнізе асвятляюцца пытанні фарміравання сучаснай беларускай нацыі, нацыянальных і дзяржаўных сімвалаў, адлюстроўваецца роля беларусаў у ВКЛ і гісторыі Вільні. Вялікая ўвага нададзена беларуска-літоўскім і беларуска-польскім культурным сувязям.

Віктар Корбут раскажа пра новую кнігу і адкажа на вашы пытанні за філіжанкай духмянай кавы. Кнігу можна будзе набыць і атрымаць аўтограф аўтара.

Мерапрыемства бясплатнае, але столік трэба замовіць загадзя праз тэлефон +375 (17) 268-83-48.