Юбилей Татьяны Хвагиной

Юбілей святкуе каралева Палескай экскурсіонкі – Таццяна Хвагіна

Юбілей святкуе каралева Палескай экскурсіонкі – Таццяна Хвагіна

Сёння, 27 красавіка, дзень народзінаў святкуе Таццяна Аркадзьеўна Хвагіна. Віншуем намесніка старшыні Беларускага грамадскага аб’яднання экскурсаводаў і гідаў-перакладчыкаў з юбілеем!

Многія гады яна прысвяціла арганізатарскай дзейнасці ў сферы экскурсійна-пазнавальнага турызму. Таццяна Аркадзьеўна выхавала цэлую плеяду экскурсаводаў, людзей захопленых, ўдумлівых, эрудыраваных, закаханых у сваю прафесію, якія шчыра ўдзячны свайму педагогу. Распрацавала не адзін дзесятак экскурсійных маршрутаў па Беларусі. Таццяна Хвагіна – асоба, улюбёная у Палесскі край і сталіцу Палесся – Пінск. Дасканала распрацавала вельмі папулярныя маршрут “Палескі вянок”, “Баранавіцкая кругасветка” і іншыя.

Яна нястомны метадыст і экскурсавод, закаханы ў гісторыю і культуру Беларусі. Аўтар звыш 500 публікацый -- артыкулаў, кніг, даведнікаў, альбомаў, навуковаых прац.

Хай і далей сэрца сагравае любоў і не гасне зорка прафесійнага поспеху!

 Калегі па экскурсійнай справе Рэспублікі Беларусь віншуюць Таццяну Аркадзьеўну з юбілеем і жадаюць моцнага здароўя, аптымізму, бадзёрасці духу, дабрабыту, натхнення, здзяйснення ўсіх жаданняў, доўгіх гадоў!

Мы шчыра жадаем у дзень юбілею
Хай радасць і шчасце Вам сэрца сагрэюць,
Хай добрыя весткі прыходзяць у хату
І стол на прысмакі будзе багаты.
Яшчэ мы жадаем здароўя без лекаў
Дабра і спакою і доўгага веку
Няхай абмінаюць бяда і трывога
І гладкай жыццёвая будзе дарога. 

Па даручэнні экскурсаводаў і гідаў-перакладчыкаў

Старшыня Беларускага грамадскага абяднання

экскурсаводаў і гідаў-перакладчыкаў                                              

Мікола Чырскі

Новости

Вверх