У Львове адкрылі першы ў свеце помнік заплечніку

У Львове адкрылі першы ў свеце помнік заплечніку

Як паведамляе Generation.by:

Учора ў дворыку геаграфічнага факультэта Львоўскага нацыянальнага ўніверсытэта імя Івана Франко адбылося ўрачыстае адкрыццё першага ў свеце помніка рукзаку.

«Менавіта дзякуючы рукзаку вандроўнікі ўсяго свету выжывалі ў крытычных сітуацыях, а нашы студэнты пераадольвалі найвялікшыя вяршыні ЎУраіны і Еўропы», — сказаў ва ўступным слове дэкан геаграфічнага факультэта Львоўскага ўніверсітэта Уладзімір Біланюк.

Як паведамляе сайт універсітэта, на цырымоніі адкрыцця помніка прысутнічаў таксама і рэктар, былы міністр адукацыі Украіны і бацька вядомага спевака Іван Вакарчук. Ён падзякаваў ініцыятарам усталявання помніка, а таксама ўсім студэнтам і выкладчыкам геаграфічнага факультэта.

Пасля прывітання рэктара студэнты факультэта прадэманстравалі эвалюцыю рукзакоў, несучы на спінах узоры спартыўнага рыштунку розных пакаленняў.

Выкладчык геаграфічнага факультэта і падарожнік Багдан Муха пацвердзіў неабходнасць рукзака ў любым падарожжы і выказаў спадзяванне на тое, што помнік будзе натхняць усіх студэнтаў факультэта на ўзяццё новых вяршынь.

IMG_3081

Кульмінацыйным момантам мерапрыемства стала сумеснае выкананне традыцыйных песень турыстаў — «Я піду в далекі гори» Уладзіміра Івасюка і паўстанцкай «Гэй гу, гэй га».

Новости

Вверх