У Варшаве прайшоў Грунвальдскі пікнік

У Варшаве прайшоў Грунвальдскі пікнік

Сёння ў Варшаве ў двары Нацыянальнага музея прайшоў Грунвальдскі пікнік, паведамляе Polskie Radio S.A.

У рамках мерапрыемства адбыліся паказы сярэднявечных танцаў, рыцарскіх змаганняў і чаканка манет. Імпрэза прайшла з нагоды завяршэння кансервацыі карціны «Бітва пад Грунвальдам» Яна Матэйкі, якая працягвалася амаль два гады.

Пасля кансервацыі вага карціны складае 290 кілаграмаў, да гэтага твор важыў амаль паўтоны. Вядомы польскі мастак Ян Матэйка  намаляваў карціну алеем у 1878 годзе. Ён працаваў над творам тры гады. Памер карціны – 4,23 на 9,87 м.

Падчас Другой сусветнай вайны гітлераўцы хацелі знайсці і знішчыць карціну. Міністр прапаганды Трэцяга рэйху Ёзэф Гебельс вызначыў узнагароду ў памеры 2 млн рэйхсмарак. Фашыстам не ўдалося знайсці «Бітву пад Грунвальдам», бо на працягу цэлай вайны карціну хавалі польскія патрыёты ў адной з вёсак каля Любліна. Пасля завяршэння баявых дзеянняў твор трапіў у Нацыянальны музей Польшчы, дзе знаходзіцца і па сённяшні дзень.

Grunwald_bitwa

(кликабельно)

Мнения

Вверх