04.08.2011

 - Газета

Залессе збірае сяброў на фестываль-кірмаш

Традыцыйны фестываль-кірмаш «Залессе запрашае сяброў» пройдзе ў суботу 6 жніўня ў мястэчку Залессе.

Адар’я ГУШТЫН

Традыцыйны фестываль-кірмаш «Залессе запрашае сяброў» пройдзе ў суботу 6 жніўня ў мястэчку Залессе.

Да ўдзелу ў свяце арганізатары запрашаюць майстроў народнай творчасці, калектывы мастацкай самадзейнасці і ўсіх, хто жадае цікава і змястоўна правесці гэты дзень.

На фестывалі госці змогуць набыць вырабы мясцовых майстроў, пакаштаваць стравы залескіх гаспадынь, пачаставацца напоямі і адварамі народнай кухні, падсілкавацца салам, яйкамі, поліўкай. Будзе таксама магчымасць паглядзець выступленні мясцовых калектываў мастацкай самадзейнасці і сольных выканаўцаў, а таксама гасцей з Польшчы (этнаграфічны калектыў «Цаглінкі»), Масквы (фальклорны гурт «Кірмаш»), Віцебска (калектыў мастацкай самадзейнасці «Віцебскаблгаз») і суседніх Жодзішкаў (гурт песні і танца «Вечарынка» Жодзішкаўскага Дома культуры).

Апроч таго, госці мястэчка змогуць наведаць сядзібу Міхала Клеафаса Агінскага, куды знакаміты кампазітар пераехаў у пачатку ХІХ стагоддзя. Менавіта ў Залессі з’явіўся ягоны знакаміты паланэз «Развітанне з Радзімай». Жыхары Залесся гатовыя запрасіць гасцей і на свае імправізаваныя падворкі.

Мястэчка Залессе знаходзіцца ў Смаргонскім раёне. Даехаць туды можна аўтобусам з Мінску. Адлегласць – 120 км, час у дарозе – дзве гадзіны. Пачатак свята ў 12.00.


Комментарии отсутствуют

Новый комментарий

Имя:
:
Для редактирования комментария осталось 10 минут

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах