27.10.2011

 - Газета

Першы джып-трыял адбыўся ў Гродне

24 экіпажы ўдзельнічалі ў чацвёртым этапе Кубка Беларусі па джып-трыяле, які ладзіўся ў Гродне на мінулыя выхадныя. У спаборніцтвах удзельнічалі як прафесіяналы на адмысловых машынах, так і аўтааматары на звычайных джыпах.

24 экіпажы ўдзельнічалі ў чацвёртым этапе Кубка Беларусі па джып-трыяле, які ладзіўся ў Гродне на мінулыя выхадныя. У спаборніцтвах удзельнічалі як прафесіяналы на адмысловых машынах, так і аўтааматары на звычайных джыпах.

f6431176c3a07c2b060be98cfdd

Спаборніцтвы складаліся з двух этапаў. Першы – гэта класічны трыял, калі машынам трэба было праехаць па агароджанай тэрыторыі праз 6–8 варот. Другі этап джып-трыялу складаецца з гэтак званых карусельных гонак. На гэтым этапе найважнейшым момантам з’яўляецца хуткасць. Аднак у гэты дзень аўтаамата ры працягвалі змагацца ў трыяльных секцыях, бо ў хуткасныя гонкі іх не пусцілі: аўтамабілі не былі абсталяваныя каркасамі бяспекі.

На першыя такога кшталту спаборніцтвы ў Гродне прыехалі экіпажы з розных гарадоў Беларусі: Гомеля, Барысава, Брэста, Мінска, Лагойска, а таксама спартсмены з Расіі.

Падчас спаборніцтваў паломкі ў машынах былі звычайнай справай. Аўтамабілі глохлі, пераварочваліся. Быў выпадак, калі аўтамабіль, пераадольваючы адну з перашкод, страціў кола. Праўда, экіпажу гэта не перашкодзіла, і джып скончыў гонку на трох колах.

Па словах аднаго з арганізатараў спаборніцтваў у Гродне Данілы Далматава, джып-трыял – гэта даволі дарагі від спорту: «Машыны сустракаюцца розныя, пачынаючы ад УАЗ, якія гоншчыкі самі дапрацоўваюць у гаражах. Гэта самы бюджэтны варыянт. З іншага боку, удзельнік з Масквы прыехаў на аўтамабілі «Боўлер» – ягоны кошт складае дзясяткі тысяч еўра. Акрамя гэтага, экіпаж павінен на чымсьці прывезці машыну, дзесьці жыць, усе выдаткі бяруць на сябе пілот і штурман. Каму дазваляюць сродкі, тыя бяруць з сабой механікаў, якія дапамогуць у выпадку паломак».

«Твой стыль»


Комментарии отсутствуют

Новый комментарий

Имя:
:
Для редактирования комментария осталось 10 минут

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах