Яму было 57 год. Ён некалькі дзён знаходзіўся ў рэанімацыі.
Уладзімір Жбанаў нарадзіўся 26 студзеня 1954 г. у Мінску ў сям'і вайскоўца. У 1973 г. скончыў Мінскае мастацкае вучылішча імя Глебава. У 1979 г. – Беларускі дзяржаўны тэатральна-мастацкі інстытут (аддзяленне скульптуры мастацкага факультэта). Служыў у Афганістане. Пасля войска тры гады вучыўся ў творчых майстэрнях Акадэміі мастацтваў СССР (1983 г.). У 1985 – 1999 гг. – выкладчык вышэйшай катэгорыі ў Мінскім мастацкім вучылішчы імя Глебава.
З 1993 года – член Беларускага саюза мастакоў.
Ён аўтар наступных скульптур – «Дзяўчына на лаўцы», «Курыльшчык», «Дзяўчынка з парасонам» у Міхайлаўскім скверы, «Фатограф», «Дама з сабачкам» (на Камароўскім рынку), «Экіпаж» (каля ратушы), «Дойлід» (плошча Незалежнасці). У Маладзечне на галоўнай плошчы стаіць яго скульптура «Залаты трыліснік».