Як паведамляе Museum.by:

Вось і скончыліся самыя прыгожыя святы. Прыйшоў новы год, а з ім новыя надзеі, мары і новыя планы на будучыню.

На канікулы музеем было запланавана шмат цікавых мерапрыемстваў.

Адбылося адкрыццё выстаўкі «Святло нашых продкаў». Яна працуе да 29 лютага. На выстаўцы можна пазнаёміцца з калекцыяй газавых лямп і ліхтароў, якую сабраў студэнт Полацкага дзяржаўнага ўніверсітэта Аляксей Коц.

Самым цікавым і вясёлым мерапрыемствам стала фальклорнае свята «Ехала Каляда з Полацка…» з удзелам студэнцкага гуртка «Варган» пад кіраўніцтвам Вольгі Емяльянчык.

А сямейныя экскурсіі па музею «Вячоркі-супрадкі» з майстар-класам па выцінанцы карысталіся попытам у турыстаў з Расіі.

Канікулы скончыліся, і музей запрашае вучняў 5-6-х класаў на пазнавальны музейны занятак «Агонь, які прыручылі». Чакаем папярэдніх заявак.

На наступныя канікулы музей падрыхтуе цікавую экскурсію. Чакаем!