Сапега ды іншыя ў Новым замку

26.02.2012 - Новости

Сапега ды іншыя ў Новым замку

У гродзенскім Новым замку прайшла персанальная выстаўка дацэнта кафедры манументальна-дэкаратыўнага мастацтва Беларускай дзяржаўнай акадэміі мастацтваў Юрыя Каралевіча. На вернісажы было прадстаўлена 15 карцін з выявамі вядомых гістарычных дзеячаў мінулага, сярод якіх — Рагвалод і Усяслаў Чарадзей, Міндоўг і Вітаўт, Тадэвуш Касцюшка і Леў Сапега

Як паведамляе «Культура»:

У гродзенскім Новым замку прайшла персанальная выстаўка дацэнта кафедры манументальна-дэкаратыўнага мастацтва Беларускай дзяржаўнай акадэміі мастацтваў Юрыя Каралевіча. На вернісажы было прадстаўлена 15 карцін з выявамі вядомых гістарычных дзеячаў мінулага, сярод якіх — Рагвалод і Усяслаў Чарадзей, Міндоўг і Вітаўт, Тадэвуш Касцюшка і Леў Сапега.

Усе палотны выкананы ў стылістычнай манеры сармацкага партрэта, дзякуючы чаму мастак здолеў перадаць пэндзлем не толькі саслоўную прыналежнасць ды становішча асобы ў тагачасным грамадстве, але і ўнутраны свет персанажа.

Дарэчы, экспазіцыя атрымала і адпаведную назву – «Рэмінісцэнцыя», а яе жанравая асаблівасць зрабіла выстаўку нібы спецыяльна напісанай для Cенатарскай залы замка. Так, дзякуючы таленту Юрыя Каралевіча Стэфан Баторый быццам бы зноў вярнуўся ў сваю гродзенскую рэзідэнцыю. Пад час прэзентацыі аўтар прызнаўся, што мэта праекта – адраджэнне беларускіх традыцый і нацыянальнай самасвядомасці, а таксама захаванне духоўнасці, уласцівай нашаму народу.

3-3

Да таго ж, выстаўка стала па-сапраўднаму пазнаваўчым падарожжам у мінулае, таму што побач з кожным партрэтам размясцілася гістарычная даведка пра знакамітую постаць, а таксама копіі рэпрадукцый карцін і графічных твораў, выкананых не адно стагоддзе таму. Такім чынам, безумоўна, убачыць «Рэмінісцэнцыю» Юрыя Каралевіча было б карысна ўсім, а асабліва –школьнікам. Чым не ўрок гісторыі?

Дар'я ЧАРКЕС

Рубрики: Выставки

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах