«Неба, здымі капялюш!» Першай жанчыне, што пабывала ў космасе, сёння – 75

06.03.2012 - Новости

«Неба, здымі капялюш!» Першай жанчыне, што пабывала ў космасе, сёння – 75

Першая жанчына-касманаўт Валянціна Церашкова нарадзілася 6 сакавiка 1937 года ў Яраслаўскай вобласцi ў сям'і сялян – выхадцаў з Беларусі

Першая жанчына-касманаўт Валянціна Церашкова нарадзілася 6 сакавiка 1937 года ў Яраслаўскай вобласцi ў сям'і сялян – выхадцаў з Беларусі (яе тата быў з Бялынiцкага раёна Магiлёўшчыны, а матуля – з Дубровенскага, што на Вiцебшчыне).

«Бацькі выехалі ў Цэнтральную Расію ў пачатку ХХ стагоддзя, бо дома не маглі пракарміцца, – распавядала сама Валянціна Уладзіміраўна падчас свайго наведвання Мiнска ў 2009 годзе. – Усе мае бабулі гаварылі па-беларуску, спявалі беларускія песні. Я таксама ў дзяцінстве размаўяла з роднымі па-беларуску. З мяне ў Яраслаўлі пасмейваліся, калі замест «открой дверь» я казала «адчыні дзверы».

Кажуць, сацыяльнае паходжанне Церашковай мела важнае значэнне пры выбары яе на ролю першай жанчыны-касманаўта (напрыклад, яе «канкурэнткi» Панамарова і Салаўёва паходзiлi з сем’яў служачых, а Мiкiта Хрушчоў хацеў запусцiць у космас менавiта рабоча-сялянскую «прадстаўнiцу»). Акрамя таго, бацька Церашковай загінуў у савецка-фінскую кампанiю, калі ёй было ўсяго два гады. Ужо пасля знакамiтага трохдзённага палёту Церашковай у чэрвенi 1963-га, калі яе спыталі, чым Савецкі Саюз можа аддзячыць за службу, яна папрасіла знайсці тое месца, дзе быў забіты яе бацька.

Валянціна Церашкова – першая і пакуль адзіная ў гісторыі Расійскай арміі жанчына-генерал (з 1995 года), але тады, у 1963-м у яе яшчэ не было анiякага воiнскага звання – такiм чынам, яна стала першым цывільным у космасе. Больш за тое, наша зямлячка з'яўляецца адзінай жанчынай Зямлі, якая здзейсніла адзіночны касмічны палёт, бо ўсе наступныя жанчыны-касманаўты ляталі ў космас толькі ў складзе экіпажаў. А фраза, якую Церашкова вымавіла перад стартам: «Гэй, неба, здымі капялюш!» – стала, бадай, не менш знакамiтай, чым гагарынскае «Паехалi!». Дарэчы, i сам Юрый Гагарын, якi нарадзіўся на Смаленшчыне, калiсьцi ўспамiнаў, што ў маленстве яго любімым вершам было «Хлопчык i лётчык» Янкі Купалы – можа, гэта i прадвызначыла ягоны лёс?..

Рубрики: В Фокусе Грамадства

Страны: Беларусь


Комментарии

Аватар

07.03.2012 01:46
Anonymous
ответить

Еўфрасіння Полацкая - першая жанчына ва ўсходнеславянскiх землях, якую царква кананізавала ў святыя, Соф'я Кавалеўская - першая жанчына-прафесар ў Расiйскай імперыі, а таксама першая ў свеце жанчына-прафесар матэматыкі, Ганна Тумаркiна – першая ў свеце жанчына-прафесар фiласофii, Ева Фелiнская – заснавала першае ў свеце Жаночае таварыства, i г.д. i г.д. Беларускi руляць!
Аватар

07.03.2012 12:17
Anonymous
ответить

Ермошина, ты чо ли???
Аватар

07.03.2012 12:36
Anonymous
ответить

Я :p

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах