Будслаўскі фэст пераносіцца на першую суботу ліпеня

03.04.2012 - Новости

Будслаўскі фэст пераносіцца на першую суботу ліпеня

Ад гэтага года галоўныя мерапрыемствы ў Нацыянальным санктуарыі Беларусі ў Будславе набываюць рухомы характар, каб як мага большая колькасць вернікаў мела магчымасць прыняць удзел ва ўрачыстасцях

Як паведамляе Радыё Рацыя:

Фэст у гонар абраза Маці Божай Будслаўскай пераносіцца на першую суботу ліпеня.

Ад гэтага года галоўныя мерапрыемствы ў Нацыянальным санктуарыі Беларусі ў Будславе набываюць рухомы характар, каб як мага большая колькасць вернікаў мела магчымасць прыняць удзел ва ўрачыстасцях.

Па словах Мінска-Магілёўскага арцыбіскупа Тадэвуша Кандрусевіча, сёлета Будслаўскі фэст пройдзе 7 ліпеня, аднак цяпер, кожны год гэтая дата будзе мяняцца: 

- Я ўжо шмат дзе на сайтах бачыў дыскусіі на гэтую тэму, чаму перанеслі, якім чынам, хто дазволіў і гэтак далей. Дазваляецца пераносіць і большыя фэсты, мы перанеслі яго па шматлікіх просьбах вернікаў, бо гэта субота. Вядома, што сапраўдны дзень, гэта 2 ліпеня. Але калі трапляе працоўны дзень і людзі кажуць, ну што, мы ўначы былі на набажэнстве з вечара, а потым мы не можам прыехаць. Таму ў самім Будславе ў першую суботу ліпеня фэст распачынаецца з вечара.

Штогод у вёсцы Будслаў Мядзельскага раёна Мінскай вобласці цудатворны абраз Божай Маці збірае каля 50 тысяч вернікаў з розных рэгіёнаў Беларусі, а таксама з іншых краін.

Традыцыя масавых пілігрымак у Будслаў аднавілася на пачатку 90-х гадоў ХХ стагоддзя. Кульмінацыяй фэсту з’яўляецца ўрачыстае шэсце з цудатворнай іконай: дзясяткі тысяч людзей з запаленымі свечкамі абыходзяць цэнтральную плошчу мястэчка і вяртаюцца да касцёла.

 

Рубрики: Праздники

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах