Ці стане Агінскі візітнай карткай Маладзечна?

10.04.2012 - Новости

Ці стане Агінскі візітнай карткай Маладзечна?

Памятныя даты, звязаныя з жыццём і дзейнасцю М.-К. Агінскага і іншых асоб таго часу, якія маюць дачыненне да гісторыі Маладзечна, могуць паспрыяць развіццю падзейнага турызму. У прыватнасці, ужо сёлета ля замчышча плануецца рэканструяваць адзін з эпізодаў Айчыннай вайны 1812 года – апошні бой «непераможнай» арміі Напалеона

Як паведамляе Инициативная группа по созданию Фонда возрождения наследия М.-К. Огинского:

Аб гэтым гаварылася пад час сустрэчы старшыні Маладзечанскага райвыканкама Ф.А. Дамаценкі з членамі праўлення нядаўна заснаванага мясцовага дабрачыннага фонду «Спадчына Міхала-Клеафаса Агінскага».

Фонд прадстаўлялі дырэктар Маладзечанскага дзяржаўнага музычнага каледжа Р.С. Сарока, намеснік старшыні Мінскага сталічнага Саюза прадпрымальнікаў і працадаўцаў У.Л. Сівуха, намеснік старшыні фонду М.І. Тамашэўскі, дырэктар ТАА «Сучасныя тэхналогіі сувязі» С.А. Алейнікаў, спецыяльны карэспандэнт «Маладзечанскай газеты» А.У. Бяганскі.

Старшыня райвыканкама праявіў цікавасць да стварэння турыстычна-гістарычнага комплексу «Графства Агінскіх» (адзін з варыянтаў назвы), які мяркуецца размясціць у ваколіцах Маладзечанскага замчышча.

У ходзе размовы падкрэслівалася, што дзейнасць гэтага ўнікальнага для нашай краіны аб’екта паспрыяе прытоку інвестыцый і стварэнню новых працоўных месцаў. Дарэчы, пастаянная ўвага турыстаў да будучага комплексу гарантаваная, бо на адлегласці 60 кіламетраў ад Маладзечна размяшчаецца 17 санаторыяў і дамоў адпачынку. Да таго ж побач знаходзіцца паўтарамільённы Мінск.

Памятныя даты, звязаныя з жыццём і дзейнасцю М.-К. Агінскага і іншых асоб таго часу, якія маюць дачыненне да гісторыі Маладзечна, могуць паспрыяць развіццю падзейнага турызму. У прыватнасці, ужо сёлета ля замчышча плануецца рэканструяваць адзін з эпізодаў Айчыннай вайны 1812 года – апошні бой «непераможнай» арміі Напалеона.

Напрыканцы сустрэчы Фёдар Аляксандравіч зазначаў, што стварэнне турыстычна-гістарычнага комплексу добра ўпісваецца ў планы па трансгранічнаму супрацоўніцтву. Акрамя таго, работа, накіраваная на папулярызацыю спадчыны М.-К. Агінскага, дапаможа замацаваць за нашым горадам статус культурнай сталіцы Міншчыны.

Як стала вядома, Маладзечанскае замчышча ўвайшло ў шэраг культурна-гістарычных аб’ектаў, уключаных у дзяржпраграму «Замкі Беларусі». У рамках праграмы да 2018 года плануецца рэканструяваць або добраўпарадкаваць 38 замкаў, палацаў і замчышч. На гэтыя мэты дзяржава выдзяляе больш за 131 мільярд рублёў.

Алег БЯГАНСКІ

 

Рубрики: Музеи

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах