Музей у Гудзевічах зробяць больш прывабным для наведвальнікаў

12.04.2012 - Новости

Музей у Гудзевічах зробяць больш прывабным для наведвальнікаў

Гудзевіцкі этнаграфічны музей падрамантуюць за кошт сродкаў беларуска-польскага праекта «Падарожжа ў этнаказку»

Як паведамляе «Твой стыль»:

Гудзевіцкі этнаграфічны музей падрамантуюць за кошт сродкаў беларуска-польскага праекта «Падарожжа ў этнаказку».

Праект распрацаваны супрацоўнікамі Купалаўскага ўніверсітэта і складаецца з некалькіх аб’ектаў. Па словах дацэнта кафедры беларускай культуры і рэгіянальнага турызму Віталя Карнелюка, галоўным аб’ектам у праекце з’яўляецца Гудзевіцкі музей:

– Мы хочам больш добраўпарадкаваць гэты ўнікальны музей. У планах – зрабіць там прыбіральню, вестыбюль, ганак з пандусам, каб у музей маглі завітаць людзі з абмежаванымі фізічнымі магчымасцямі. Таксама добраўпарадкуем тэрыторыю – зробім асвятленне ў дворыку, плот і інш.

Займацца рэстаўрацыяй экспазіцыйнай часткі музея ў праекце не прадугледжана:

– Гэта павінна рабіць дзяржава ў межах комплекснай рэстаўрацыі музея, не за сродкі замежнага праекта. Гэта патрабуе добрай падрыхтоўкі, каб аднаўленне экспазіцыйнай часткі не паўплывала на подых музея, які з'яўляецца ўнікальным, – дадаў Віталь Карнялюк.

gud2

gud3

gud7

gud13

Стан жа экспазіцыйнай часткі літаратурна-этнаграфічнага музея ў Гудзевічах, які мае статус рэспубліканскага, робіць даволі прыгнятальнае ўражанне. Надпісы да экспанатаў (а іх налічваецца каля 15 тысяч і сярод іх ёсць унікальныя рэчы для ўсёй краіны) выкананы ад рукі яшчэ ў савецкія часы. Не кажучы ўжо пра надпісы на англійскай мове, хоць у музей даволі часта прыязджаюць замежныя экскурсіі. Умовы для захавання экспанатаў нельга назваць належнымі. Супрацоўнікі музея ў Гудзевічах даўно чакаюць капітальнага рамонту будынкаў музея, які захоўвае багатыя матэрыялы. Хоць і запланаваныя рамонтныя работы па знешнім упарадкаванні таксама патрэбны – дагэтуль у музеі працуе звычайная драўляная вясковая прыбіральня.

Сашка Верацейчык

Фото maystra

Рубрики: Музеи

Страны: Беларусь


Комментарии

Аватар

25.04.2012 13:33
Anonymous
ответить

Каб зрабіць больш прывабным трэба тэлефоны даваць на сайце, а так нідзе не магу знайсьці.

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах