Пачалася рэстаўрацыя касцёла Карла Барамеуша

21.04.2012 - Новости

Пачалася рэстаўрацыя касцёла Карла Барамеуша

Будынак уяўляе сабою помнік гісторыка-культурнай спадчыны. Таму, калі стала вядома пра рэстаўрацыю, грамадская супольнасць горада захвалявалася, каб не адбылося ніякіх знешніх змен. Дырэктар установы Ларыса Якушэвіч запэўніла, што рэстаўрацыя пройдзе ў тры этапы і ніякім чынам не пашкодзіць выгляду касцёла

Як паведамляе «Радыё Рацыя»:

У Пінску пачалася рэстаўрацыя касцёла Карла Барамеуша, пабудаванага ордэнам камуністаў у 1782 годзе. Пасля Другой Сусветнай камуністычныя ўлады зачынілі касцёл, выкарыстоўвалі яго ў гаспадарчых мэтах, а ў 1980 годзе аддалі пад канцэртную залу.

Будынак уяўляе сабою помнік гісторыка-культурнай спадчыны. Таму, калі стала вядома пра рэстаўрацыю, грамадская супольнасць горада захвалявалася, каб не адбылося ніякіх знешніх змен. Дырэктар установы Ларыса Якушэвіч запэўніла, што рэстаўрацыя пройдзе ў тры этапы і ніякім чынам не пашкодзіць выгляду касцёла:

– Мы павінны пачаць дзесьці ў ліпені, таму што грошы нам выдзелены на трэці квартал. Сума дастаткова сур’ёзная – 1,5 мільярды. Гэта грошы і з абласнога бюджэту адмыслова на рэстаўрацыю гісторыка-культурнай спадчыны. Сума значная. Як мы яе асвоім, як нашы будаўнічыя арганізацыі справяцца з работамі? Мы яшчэ не ведаем, з чаго пачнем. Магчыма, гэта будзе дах з чарапіцы, і на гэта мы выдаткуем усе грошы.

У канцы 1980-х – пачатку 1990-х ад улад былі прапановы Казіміру Свёнтку, каб будынак перадаць Пінскай дыяцэзіі, але кардынал адмовіўся з-за цяжкага фінансавага стану. Сёлетняя рэстаўрацыя супадае з 230-угодкамі будаўніцтва касцёла.

Юрась Палескі

Рубрики: Общество

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах