За экзотыкай у… Перкавічы

25.04.2012 - Новости

За экзотыкай у… Перкавічы

Гаспадарка Валерыя Яскаўца – фермерская, але ў задумках з самага пачатку быў разлік, што і на турыстычным маршруце па Камянеччыне яна будзе дарэчы. Праўда, пакуль тут не могуць прапанаваць, як у кафэ пры страусавай ферме ля Кобрына, стравы са страусяціны, вырабы мастацкай майстэрні. Аднак далучыцца да экзатычнага «харчу» можна і ў Перкавічах

Як паведамляюць «Навiны Камянеччыны»:

Па ўражанні зусім не абавязкова ехаць за трыдзевяць зямель. Варта толькі аднойчы выбрацца з дому ў час водпуску, у выхадныя ці ў дні школьных канікулаў або, калі праездам апынецеся на дарозе Каменец-Белавежскі, звярнуць з яе ў бок Перкавічаў. Шлях праз вёску, некалькі паваротаў – і вось яны, збудаванні былой калгаснай зверафермы, з прыбудаванымі вальерамі, дзе прагульваюцца грацыёзныя птушкі ростам да двух метраў і вагою больш за сотню кілаграмаў. Нязменна побач – гаспадар, увага якога патрабуецца тут штодня.

Гаспадарка Валерыя Яскаўца – фермерская (больш за 30 гектараў зямлі), але ў задумках з самага пачатку быў разлік, што і на турыстычным маршруце па Камянеччыне яна будзе дарэчы. Праўда, пакуль тут не могуць прапанаваць, як у кафэ пры страусавай ферме ля Кобрына, стравы са страусяціны, вырабы мастацкай майстэрні. Аднак далучыцца да экзатычнага «харчу» можна і ў Перкавічах. Напрыклад, набыць гіганцкае яйка, вагой да паўтара кілаграма, каб зварыць (на гэта спатрэбіцца больш як гадзіна) ці спячы. За адзін прысест яго не з’есці – хіба што кампаніяй. Цяпер, пасля зімы, страусы зноў пачынаюць несці яйкі – гэтую здольнасць птушка захоўвае на працягу 40 гадоў. Частка яек будзе закладзена ў інкубатары для аднаўлення статку. Ды і заказы на страусавых птушанят ужо атрымалі. А гаспадар вядомага на Пружаншчыне турыстычнага комплексу «БелавежТур» Мікалай Бурнос збіраецца набыць тут поўную сям’ю страусаў – траіх асобін. Ён жа дапамог Яскаўцам наладзіць і збыт страусавага мяса ў Санкт-Пецярбурзе, пасля таго як пакаштаваў прыгатаванае Юліяй са страусяціны. Натуральнае і экзатычнае. Рэалізуюць гаспадары мяса і ў Брэсце. Кошт яго не вышэй, чым бараніны і цяляціны.

1

Страусы любяць прастору. Таму і пад дахам іх не абмяжуеш некалькімі «квадратамі» на асобіну. Валерый мае намер павялічыць статак да 200 галоў. Але гэта магчыма пры наяўнасці памяшканняў, якія прыходзіцца дабудоўваць…

2

Фермерскі надзел забяспечвае страусаў (іх цяпер 80–90 галоў) кормам. Сена, фуражнае зерне, нетаварная агародніна, бульба – усё прыдасца на ферме. Бульбы летась мелі 15 гектараў, ураджай – выдатны, бо насенка была элітнай і 1-й рэпрадукцыі. І гэтымі днямі ўсё яшчэ наведваюцца купцы сюды па бульбу, якой да вясны захавалі больш за 100 тон.

3

Хоць цана на яе невысокая, але расчараванне Яскаўцам не ўласціва: адмаўляцца ад бульбы Валерый не збіраецца. Да таго ж і памочнік адмысловы ў сям’і з’явіўся – бульбаўборачны камбайн. Хоць ён і аднарадковы, летась не толькі сваю бульбу гаспадар з ім «адолеў», але і другім дапамог. Сёлета плануе змяніць камбайн на двухрадковы.

5

Валерый і Юлія Яскаўцы, у якіх падрастаюць двое сыноў, знайшлі ў вёсцы цікавую справу, якая пачыналася з пакупкі трох дарослых птушак у 2007-м. Моцна ў руках трымаюць сваю сініцу (чытай – страуса), ніколі не шукалі жураўля ў горадзе. І хоць той цікавы занятак звязаны з нялёгкай сялянскай працай, але мэта – вялікая сіла. У найбліжэйшых планах сям’і значыцца добраўпарадкаванне пад’язной дарогі да фермы, экскурсійнай сцежкі вакол вальераў, каб наведвальнікам было больш зручна. Сюды не раз зазіралі ўжо арганізаваныя групы школьнікаў і цікаўныя дарослыя. З’явяцца на дарозе і ўказальнікі, каб турыст у пошуку страусавай фермы не ператвараўся ў следапыта. Магчыма, з часам ён зможа паспытаць тут і страусавыя каўбаскі, і амлет… Юлія ва ўсіх ідэях і пачынаннях падтрымлівае мужа. Тым больш, што яны не застаюцца фантазіяй, а паступова рэалізуюцца; і зарабіць сям’я можа столькі, колькі трэба на жыццё, і сынам-школьнікам урокі працоўнага выхавання на сямейнай ферме даспадобы. Вось толькі на адпачынак у Карпатах, якія Юлія марыць паказаць дзецям, часу пакуль не стае.

Галіна НОВІК

 

 

 

Рубрики: В Фокусе Сельский Туризм

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах