Упершыню ў сучаснай Беларусі!
У лепшых еўрапейскіх традыцыях, пасля больш чым двухвекавога перапынку, творцы мастацтва тэатра на сцэнічных падмостках у замку Радзівілаў! Падзея адбудзецца 30 чэрвеня – 1 ліпеня
Два насычаныя, ярка эмацыянальныя дні, нацыянальныя тэатры і драматургія, народныя і заслужаныя артысты Беларусі, легенда айчыннай сцэны – Расціслаў Янкоўскі, галерэя вобразаў, гістарычных падзей і ўзрушанняў…
Толькі тут, у гэтыя дні адбудзецца сустрэча Гісторыі і Сучаснасці, адкрыюцца таямніцы старога замка і яго жыхароў, а ў самую поўнач з’явіцца здань Чорнай Дамы Нясвіжа. На алеях парку, калі пашчасціць, сустрэнецца сам Караль Станіслаў Радзівіл – пане Каханку – на павозцы, што запрэжана чацвёркай мядзведзяў.
Горад майстроў і рамёстваў, ежа продкаў, рыцарскія турніры, гандлёвыя рады – усё гэта акуне вас у сапраўдную атмасферу мінулых стагоддзяў.
Дзень першы – 30 чэрвеня (субота)
21.00 – замкавы двор, спектакль «Выкраданне Еўропы, альбо Тэатр Уршулі Радзівіл», Нацыянальны акадэмічны тэатр імя Янкі Купалы.
Дзень другі – 1 ліпеня (нядзеля)
15.00 – тэатральная зала ў замку Радзівілаў, спектакль «Паланез на развітанне…», Мінскі абласны драматычны тэатр
21.00 – замкавы двор, спектакль «Пане Каханку», Нацыянальны акадэмічны драматычны тэатр імя Максіма Горкага.
Перад пачаткам вячэрніх спектакляў, з 18.00 – «Горад майстроў і рамёстваў»:
- сцэны сярэднявечнага быту, кухня, турніры рыцараў, дэманстрацыя даспехаў;
- каваль – міні-кузня, паказ і практычныя заняткі для гледачоў;
- ліцейшчык – міні-майстэрня, паказ і практычныя заняткі;
- музыканты і танцоры развучаць з гледачамі сярэднявечныя танцы і гульні.
Кошт білетаў – ад 40 000 да 110 000 руб.
Даведкі і заказ білетаў па тэл.: (8-029) 628-25-41, (8-029) 369-98-08
www.urshula.buk.by