На сядзібе Дамейкаў разбураюць лямус XVIII стагоддзя

14.05.2012 - Новости

На сядзібе Дамейкаў разбураюць лямус XVIII стагоддзя

На сядзібе Дамейкаў у Сітцах, што ў Докшыцкім раёне Віцебскай вобласці, часткова разабраны лямус – старадаўняя гаспадарчая пабудова

На сядзібе Дамейкаў у Сітцах, што ў Докшыцкім раёне Віцебскай вобласці, часткова разабраны лямус – старадаўняя гаспадарчая пабудова, паведамляе рэсурс Westki.info.

Карэспандэнт «Вестак» пабачыў гэта 8 мая, калі наведваў сядзібу. На гэты момант цалкам разабраны дах і верхні, драўляны, ярус лямуса. Ніжні, цагляны, пакуль яшчэ стаіць.

02_5

03
Тое, што засталося ад лямуса ў Сітцах. Фота Кастуся Шыталя, 8 мая 2012 года

Найбольш ранні малюнак, на якім адлюстраваны сітцаўскі лямус, датаваны 1805 годам. Лямус прадстаўлены як двухпавярховы будынак з чатырохскатным дахам. Другі паверх яго апаясвала галерэя, а на даху быў прымацаваны шпіль. Можна меркаваць, што лямус быў узведзены ў XVIII – пачатку ХІХ стагоддзя.

АРХІЎНЫЯ-ФОТА-002
Будынак лямуса бачны справа ўнізе. Малюнак з архіву Сітцаўскай сярэдняй школы

На думку старшыні Таварыства аховы помнікаў Антона Астаповіча, які аглядаў будынак, драўляныя канструкцыі маглі быць замененыя пасля Другой сусветнай вайны. Тым не менш лямус да апошняга захоўваў выгляд, блізкі да першапачатковага. На фотаздымках, зробленых некалькі год таму, бачныя нават бэлькі, якія калісьці трымалі падлогу галерэі.

SSA42781
Лямус. Фота Кастуся Шыталя, 28 мая 2006 года

04
Лямус. Злева бачныя бэлькі, на якіх трымалася падлога галерэі. Фота Кастуся Шыталя, 28 мая 2006 года

Сядзіба ў Сітцах упершыню згадваецца ў 1567 годзе як уласнасць магнацкага роду Хадкевічаў. У XVII–XVIII стагоддзях належала Бжастоўскім. У 1798 годзе Сітцы сталі ўласнасцю роду Дамейкаў. Адзін з уласнікаў – Тадэвуш Дамейка – быў родным дзядзькам Ігната Дамейкі. Геральдыст Адам Банецкі пісаў, што Ігнат быў ахрышчаны ў касцёле ў Параф’янаве, таму некаторыя краязнаўцы мяркуюць, што славуты навуковец і нацыянальны герой Чылі мог быць народжаны ў Сітцах.

На сённяшні дзень ад сядзібы засталася барочная ўязная брама, калоны ад порціку палаца, некалькі будынкаў XVIII–ХХ стагоддзяў, агароджа і парк.

Рубрики: Проблемы

Страны: Беларусь


Комментарии

Аватар

14.05.2012 13:49
Anonymous
ответить

а ў нас больш нічога і не ўмеюць рабіць, толькі нішчыць. гэта ж прасцей чым захаваць
Аватар

14.05.2012 14:21
Терапевт
ответить

Ну лямус то в общем-та абы што выглядая. короче, все равно не смогли бы ни сохранить (нет у нас такой технологии консервации, это надо у поляков подучиться), ни восстановить по-людски. так что, я за то, чтобы "нішчылі". по крайней мере, не будет стоять как живой труп и напоминание о нашей дурости и безответственности. и так все ясно.
Аватар

14.05.2012 15:28
Anonymous
ответить

Ідыёты.
Аватар

14.05.2012 15:28
Га!!!
ответить

Хто???

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах