У Друскінінкай – на ровары

12.06.2012 - Новости

У Друскінінкай – на ровары

Для аматараў здаровага ладу жыцця і падарожжаў у бліжэйшыя гарады і краіны вельмі раю наведаць Друскінінкай, праехаўшы прыкладна 80 км на ровары ў два бакі. Днямі мы так і зрабілі

Як паведамляе «Твой Стыль»:
Для аматараў здаровага ладу жыцця і падарожжаў у бліжэйшыя гарады і краіны вельмі раю наведаць Друскінінкай, праехаўшы прыкладна 80 км на ровары ў два бакі. Днямі мы так і зрабілі.

Убачышы вялізную чаргу на мяжы раптоўна падумалася, што і нам яе прыйдзецца праходзіць, аднак прыязная дзяўчына-памежнік з беларускага боку выпісала нам квіток, што мы перасякаем мяжу на транспартным сродку і адразу пусціла на памежную тэрыторыю. На літоўскай мяжы мы таксама пераязджалі мяжу без усялякай чаргі.

Увесь час затрымкі на мяжы – гэта абмен грошаў. Нашай памылкай было тое, што мы забыліся памяняць грошы ў беларускіх банках. А курс абмену на мяжы складаў 2,75 літа за даляр, прыйшлося заплаціць і камісію за абменную аперацыю. Восем кіламетраў дарогі ад мяжы да Друскінінкая праляцелі вельмі хутка, і вось мы ў горадзе-курорце.

1  

Тут вялізная колькасць роварных пракатаў за невялікі кошт – за 5 літаў можна карыстацца роварам суткі. Адразу з роварамі вам прапаноўваюць проста ў горадзе узяць на пракат лыжы альбо сноўборды. Недаўна ў Друскеніках адкрылася зімовая арэна, дзе можна на лыжах спусціцца са зробленай штучна гары. Раю браць лыжы альбо сноўборды ў горадзе. Пракат ў горадзе – гэта 30 літаў, у самой зімовай арэне – 55.

2

Сённяшні Друскінінкай – гэта горад фантанаў, якія сустракаюцца на кожным кроку і здзіўляюць сваёй разнастайнасцю.

3

Нельга абысці бокам і адзін з самых вялікіх у Еўропе аквапаркаў, у які прыяджаюць адпачыць людзі з усёй Еўропы. Трубы аквапарку на знешняй сцяне будынка – адначасова горкі, па якіх можна пракаціцца ўнытры. Самая доўгая – каля 200 метраў і там можна развіць хуткасць да 80 км ў гадзіну і атрымаць прыліў адрэналіну. Наведванне аквапарку на ўвесь дзень для дарослых каштуе 99 літаў, што ўключае ў сябе не толькі аквапарк, але і больш за 20 лазняў, з рознай тэмпературай і вільготнасцю.

4

Пасля наведвання аквапарку, а былі мы там некалькі бонусных гадзінаў, якія атрымалі ў падарунак, нас чакаў шопінг па крамах. У маленькім горадзе – два вялізныя супермаркеты Maxima I Iki, што суседнічаюць між сабою. Яны чымсьці нагадваюць нашыя самыя вялікія крамы - Еўраопт, альбо АЛМІ. Нас адразу пацягнула глянуць кошты на мясныя вырабы і шакалад, якім яшчэ з савецкага часу славілася Літва. Мяса – ад 9 літаў, а звычайныя 100 грамовыя шакаладкі – ад 2-х літаў.

Троху закупіўшыся, мы рушылі ў адваротны бок. Мяжу з літоўскага боку мы такса праходзілі без усялякай чаргі. У цэлым - шпацыр карысны і не занадта цяжкі, таму што аквапарк здымае любую стомленасць. Акрамя таго, спрошчаны праезд праз мяжу пазітыўна адбіваецца на настроі. Ну, а дадому дарога - заўсёды карацей.


Рубрики: Активный Туризм Акции

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах