Гомельскі помнік Леніну хочуць перасяліць у «парк савецкага перыяду»

14.06.2012 - Новости

Гомельскі помнік Леніну хочуць перасяліць у «парк савецкага перыяду»

Першы ў Беларусі вулічны музей савецкай гісторыі з помнікам Леніна ў цэнтры можа з’явіцца ўжо налета

Зрабіць музей савецкай гісторыі пад адкрытым небам, паставіць туды помнік Леніну, стары аўтамат з газіроўкаю… Улады Савецкага раёну Гомля раскручваюць брэнд «савецкі» ды прымяраюць ідэю стварэння кутка савецкай гісторыі, паведамляе belsat.eu.

Куды падацца Леніну?

У Савецкім раёне Гомля паўстала праблема: што рабіць з адзіным помнікам Леніну. Рэч у тым, што на месцы ААТ «Сантэп», якое мусяць ліквідаваць, паставяць новы бізнес-цэнтр. І помнік правадыру пралетарыяту, які стаіць на гэты месцы, наўрад ці ўпішацца ў новы ўрбаністычны пейзаж. Гэтак і нарадзілася ў раённых уладаў ідэя стварыць куток савецкай гісторыі.

Зараз разглядаецца два варыянты лёсу Ільіча: альбо рамантаваць, бо помнік перабывае ў аварыйным стане, альбо перасяліць на іншую пляцоўку. У другім выпадку Гомель можа стаць першым у краіне горадам, што нарэшце набраўся смеласці ды знайшоў для Леніна належнае месца – сярод гістарычных экспанатаў.

Брэнд «Савецкі»

Як паведаміў службе інфармацыі «Белсату» старшыня адміністрацыі Савецкага раёну Гомля Алег Вялічка, ідэя кутка савецкай гісторыі звязаная з PR’ам брэнду «савецкі».

«Наш раён носіць назву «Савецкі», і мы папулярызуем гэта, робім брэндам. Стараемся на лагатыпах пісаць гэтае слова. І пры абмеркаванні пытання гісторыка-культурных каштоўнасцяў на тэрыторыі раёну з’явілася ідэя зрабіць куток савецкай гісторыі са старымі атрыбутамі савецкага часу. Калі мы рэалізуем задачы на гэты год, то падумаем над будучай праграмаю развіцця раёну ў звязку з гэтай ідэяй», – кажа спадар Вялічка.

Такім чынам, першы ў Беларусі вулічны музей савецкай гісторыі з помнікам Леніна ў цэнтры можа з’явіцца ўжо налета.

Рубрики: Музеи

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах