Як паведамляе
У нядзелю 24 чэрвеня пройдзе ўжо шаснаццаты па ліку «Берасцейскі забег». Мерапрыемства атрымала назву «Цвярозы Брэст – мой горад».
«У гэты раз такая падзея мае прысвячэнне пэўнай тэме, – падкрэсліў арганізатар мерапрыемства Алег Голас, – менавіта прапагандзе здаровага ладу жыцця. У асноўным да нас прыходзіць моладзь. Поўны адказ ад курэння тытуню, ужыцця алкаголю – усяго, што выклікае самаразбурэнне. І каб моладзь сама прыйшла да гэтага, а не штуршком звонку ў спіну».
Арганізатарам забегу выступіла брэсцкае маладзёжнае грамадскае аб’яднанне «Спадчына» пры інфармацыйнай падтрымцы сацыяльнага блога «Вменяемый Брест». Збор удзельнікаў адбудзецца а 10-й гадзіне раніцы каля Цэнтральнай прыстані па вуліцы Набярэжнай імя Францыска Скарыны.