Гараднянскі кірмаш рамёстваў, або Абпальваюць гаршчкі зусім не богі…

23.07.2012 - Новости

Гараднянскі кірмаш рамёстваў, або Абпальваюць гаршчкі зусім не богі…

Трэці раз запар у вёсцы Гарадная ладзіцца свята – кірмаш рамёстваў – і пленэр, на які сёлета запрошаны майстры-керамісты з 11 краін свету

Сапраўды, творчыя, крэатыўныя і няўрымслівыя майстры жывуць на Палессі!

Не заўсёды ўрадлівыя на жыта і гародніну мясцовыя землі міжволі дапамаглі скіраваць чалавечую працу ў бок актыўнай творчасці. Ля вёскі Гарадная на Століншчыне, напрыклад, недзе ў далёкім-далёкім мінулым знайшлі багатыя радовішчы гліны, і з тых часоў тут амаль не спыняецца ганчарнае кола. Беларуская сталіца ганчарства, Гарадная славіцца сваім аўтэнтычным, непаўторным відам керамікі і сваёй метрычнай сістэмай. Гаршчок на пуд, 16 кілаграмаў зерня – гэта «паляк», а маленькі, кілаграмовы – «мамзэлька». 

На пачатку XX стагоддзя вёска налічвала амаль 500 ганчароў. Сёння самабытнае майстэрства тут таксама жыве, хаця масавасцю пахваліцца не можа. Пра яго захаванне і дбаюць людзі, не абыякавыя да рамесніцтва і культуры.

А сакрэты народных майстроў перадаюцца з пакалення ў пакаленне. Пяць патомных творчых дынастый, у тым ліку Шэлестаў, Кавалька, на ўласным прыкладзе даказваюць, што справа дзядоў тут не памерла, спадчына паважаецца і шануецца! У цэнтры ганчарства пад кіраўніцтвам Алімпіяды Леанавец школьнікі навучаюцца лепцы і абпалу, спасцігаюць «залатыя» прапорцыі славутага гараднянскага посуду.

237Q0976-1

Рыгор Кавалька, патомны майстар

Нездарма трэці раз запар у вёсцы Гарадная ладзіцца свята – кірмаш рамёстваў – і пленэр, на які сёлета запрошаны майстры-керамісты з 11 краін свету.

237Q1096-1

IMG_8543-1

IMG_8576-1

Джамал Балаташвілі з Грузіі, Мікалай Падрэзаў з Расіі, Алег Луцук з Украіны, Віталіе Парлуй з Малдовы, Аўдронэ Васкевічутэ з Літвы, Элізабет Халгрэн, Моніка Йохансен і Клас Острам са Швеціі, Ірына Бабаян з Арменіі, Пётр Скіба з Польшчы, беларусы Васіль Логвін, Віталь Шапялевіч, Сяргей Молчан, Пётр Кузьміч, Наталля Крывіцкая, Валеры Марчук і іншыя – кожны непаўторны ў сваім аўтарскім стылі і тэхніцы.

237Q8829-1

Вырабленыя з тонкім гумарам фігуркі Алега Луцука з Украіны

237Q8831-1

А гэта свежая, яшчэ не абпаленая работа з пленэру!

237Q0906-1

Вышэй – работа Ірыны Бабаян з Арменіі. Для гэтага майстра характэрна спалучэнне шкла з керамікай

Замежныя госці дэманстравалі свае школы, распавядалі пра традыцыі, дзяліліся вопытам.

237Q8694-1

Джамал Балаташвілі з Грузіі за ганчарным колам, як сапраўдны віртуоз сваёй справы, збірае шмат гледачоў

237Q8824-1

А гэта момант абпальвання вырабу

237Q1044-1

Пётр Скіба з Польшчы

237Q1003-1

Вырабы гараднянцаў можна было набыць...

237Q1022-1

...як і драўляныя лыжкі работы майстра з Пінска Мікалая Калько...

237Q1251-1

...і работы замежных гасцей!

Ларыса Быцко, загадчык аддзела традыцыйнай культуры Брэсцкага грамадска-культурнага цэнтра, каардынатар і натхняльнік пленэра, лічыць, што мерапрыемсва атрымалася, як заўсёды, на ўзроўні. З работ трох пленэраў ужо магчыма зрабіць экспазіцыю цэлага музея.

У мінулым годзе падчас пленэру рэзчыкаў у драўляных работах быў зафіксаваны ўвесь працэс ганчарскай работы: ад нарыхтоўкі гліны да продажу вырабаў. Нарадзілася і новая традыцыя: каб вяліся грошы і шанцавала ў фінансавых справах, пацерці глечык, куды майстар «загнаў» некалькі манетак.

237Q8701-1

Гэта свайго роду помнік яўрэю, які прынёс у Гарадную сакрэт вырабу палівы. Посуд у выніку пачаў выглядаць іначай, набыў новае гучанне і свой сучасны выгляд. І прынёс Гарадной новыя, больш вялікія заробкі.

IMG_8461-1

 «Як Бог той, завіхаецца ганчар!» – трапна заўважыў майстар Васіль Казачок у вершы, які прагучаў са сцэны на адкрыцці свята. Прыгадайце, калі ласка, з чаго Бог стварыў першага чалавека… Крыху пафантазіраваўшы, можна і Творцу смела аднесці да першых ганчароў!

237Q1060-1

237Q1062-1

237Q1083-1

Мясцовыя бабулькі...

237Q8705-1

...і дзядзькі

IMG_8582-1

...у захапленні ад канцэрта!

237Q1179-1

IMG_8629-1

237Q8774-1

237Q1184-1

237Q1001-1

 

Страны: Беларусь


Комментарии

Аватар

23.07.2012 21:47
Anonymous
ответить

Бабкі класныя, не тое што нашы менскія.
Аватар

23.07.2012 21:48
Anonymous
ответить

А дзяды нейкія жуткія.
Аватар

23.07.2012 22:05
Anonymous
ответить

А мне першы дзед прынамсі спадабаўся, і гліняны таксама, і асабліва - жыд!
Аватар

23.07.2012 22:06
Anonymous
ответить

жыды толькі гліняныя і засталіся:)

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах