<p>Праплысці водным шляхам з Пастаў да Віцебска ўзнікла ідэя ў Сяргея Дзіковіча, гаспадара аграсядзібы «Буслінае гняздо» з вёскі Васіліны, што на Пастаўшчыне. Шляхам продкаў вырашыў прайсціся  ён разам з трыма энтузіястамі. Старэйшаму ўдзельніку вандроўкі 70 год, а малодшаму—20</p>

17 ліпеня вечарам прычаліла да берага Дзісёнкі ў Дзісне ладдзя. Праплысці водным шляхам з Пастаў да Віцебска ўзнікла ідэя ў Сяргея Дзіковіча, гаспадара аграсядзібы «Буслінае гняздо» з вёскі Васіліны, што на Пастаўшчыне. Шляхам продкаў вырашыў прайсціся  ён разам з трыма энтузіястамі. Старэйшаму ўдзельніку вандроўкі 70 год, а малодшаму—20. Прапаноўвалі і іншым знаёмым, бо ладдзя разлічана на 30 месцаў, але тыя быць першапраходцамі невядомага маршруту адмовіліся.

Першую ноч мужчыны начавалі ў Шаркаўшчыне, а на другую прыпыніліся ў Дзісне. Уражаннямі ад двух дзён вандроўкі падзяліўся Сяргей Дзіковіч:

 —Цікава плысці, але гэтай ідэяй сапраўды трэба было захварэць. Спецыяльна змайстравалі ладдзю, аснасцілі яе па ўсіх правілах і 15 ліпеня рушылі ў дарогу. Рака бывае непрадказальнай, месцамі зарослая, куды складаней, калі сустракаецца мелкаводдзе або неспадзяваны падводны валун. Увогуле, сярэдняя хуткасць нашага перамяшчэння—10 кіламетраў у гадзіну.  Калі дзьме вецер, то узнімаем ветразь, так плысці хутчэй. Па Дзісёнцы ідзём па цячэнні, складаней будзе на Заходняй Дзвіне, дзе прыйдзецца  плысці супраць яго, але тады хутчэй за ўсё прыладзім матор, які прадугледжаны да нашага транспартнага воднага сродку.

1

 Асваенне воднага маршруту—гэта яшчэ адзін са спосабаў знаёміць турыстаў з нашым краем, паведамляе газета “Міёрскія навіны”.

Вольга ВІШНЕЎСКАЯ