Па добрай традыцыі ў старажытным мястэчку, якое вядома з XV стагоддзя як каралеўскае ў Ваўкавыскім павеце Навагрудскага ваяводства ВКЛ і мела магдэбургскае права, 2 верасня адбудзецца Дзень польскай культуры, паведамляе «Гродзенская праўда».

У гэтым утульным і квітнеючым аграгарадку, што на Свіслаччыне, свята распачнецца імшой ва ўнікальным касцёле Святога Міхаіла Архангела. Асноўныя ж мерапрыемствы адбудуцца на тэрыторыі мясцовай сярэдняй школы. Гэта і конкурс чытальнікаў польскай паэзіі «Паэзія ў сэрцы маім», і «Шляхецкі падворак» (гандлёвая пляцоўка), і «Горад майстроў», і дэманстрацыя польскіх фільмаў, і шмат што іншае. Але лепш усё пабачыць на свае вочы і прыняць непасрэдны ўдзел у святочных мерапрыемствах.

Галіна Раманчук