У галерэі «Ў» разбіраюцца, што такое Еўропа (фота)

11.09.2012 - Новости

У галерэі «Ў» разбіраюцца, што такое Еўропа (фота)

У галерэі сучаснага мастацтва «Ў» адкрылася выстава «На Захадзе ад Усходу». Выстава ў шасці раздзелах аб’яднала мастакоў з Беларусі, Германіі, Нарвегіі і Швецыі. Такім праектам адкрыўся новы сезон у мастацкай галерэі

У галерэі сучаснага мастацтва «Ў» адкрылася выстава «На Захадзе ад Усходу». Выстава ў шасці раздзелах аб’яднала мастакоў з Беларусі, Германіі, Нарвегіі і Швецыі. Такім праектам адкрыўся новы сезон у мастацкай галерэі.

У Generation.by – lфотарэпартаж з адкрыцця.

«Што i хто належыць да Еўропы, хто гэта вырашае? Ці застаецца Еўропа і па сённяшні дзень пэўным ідэалам? Якую вартасць маюць еўрапейскія каштоўнасці? Ці не ёсць Еўропа найперш эканамічнай уніяй? I якое значэнне мае культура ў такой супольнасці?» — такімі пытаннямі задаліся ініцыятары праекту і мастакі-ўдзельнікі.

Творчы дуэт Голдзiн & Сеннебай даследуе уплыў эканомікі на розныя грамадскія сферы. «Змяняючы пункт гледжання» – гэта правядзенне асацыяцый памiж субсідыямi ў сельскай гаспадарцы ды ў сiстэме фiнансавання мастацтва.

Марына Напрушкiна запазычыла назву для свайго вiдэа – «Багацце для ўсiх!» – з перадвыбарных прамоў германскага лідэра партыі левых. Праз сутыкненне розных кантэкстаў яна падымае пытаннi пра сутнасць тых абяцанняў дабрабыту, якія даюць еўрапейскія палітыкі.

Мiхаэль Эртс звяртаецца да iдэi iснавання грамадства як супольнасці i да ўзаемапавагі сярод розных суполак. У сваiх перформансах ён запрашае прадстаўнiкоў розных клубаў, суполак i аб’яднанняў узвесцi сабе помнiк (іранічная адсылка да бюргерства  XIX стагоддзя, якое масава ставіла сабе помнік за помнікам), i з гэтай нагоды задумацца пра матывацыю ўласнай дзейнасці i распавесцi пра яе гледачам.

Аляксандар Камароў спасылаецца ў вiдэа «Урокі мовы» i «Паліпадуаценне» да дэбатаў аб ролi нацыянальных моў у глабальным суполлi. Яго прыцягвае iдэя мовы, якая здольная стварыць штосьці новае, а не раз’ядноўваць людзей.

Вiдэа Aнэ Х’ёрт Гуту «Свабода патрабуе свабодных людзей» – каментарый да нарвежскай школьнай адукацыi. Мастачка распавядае гісторыю васьмігадовага хлопчыка, якi няўтульна сябе адчувае ў дысцыплінуючым гарсэце школьнай сістэмы i патрабуе права на самастойнае мысленне. Андрэй Лянкевiч даследуе ў сваiх фатаграфiях канструкцыi беларускай iдэнтычнасцi, якiя спалучаюць у сабе вытокі з розных крыніц.

Японская мастачка Асака Iвама ў сваіх перформансах, падчас якiх яна гатуе ежу, таксама падымае тэму ідэнтычнасцяў. Яе цікавіць сутыкненне розных самаiдэнтыфiкацый: азіяцкай і еўрапейскай, жаночай і мужчынскай.

Сяргей Шабохiн паказвае ў iнсталяцыi We are stern consumers of cultural revolution на прыкладзе беларускага авангарда шляхi камерцыялiзацыi культуры.

Юра Шуст звяртаецца ў сваiх працах да рознасцi i часам парадаксальнасцi ўспрыняцця Беларусi знутры i звонку. Ён разглядае асабiстыя i грамадскiя працэссы, што здольныя развiвацца на глебе iзаляцыi.

Экспазіцыя дасяжная да прагляду на працягу месяца. Таксама ў межах тэмы пройдзе шэраг мастацкіх перформансаў. Так, 6 верасня мастак Міхаэль Эртс з Бельгіі зладзіць перформанс з беларускімі ўдзельнікамі, пабудаваўшы сімвалічны манумент.

1

2

3

4

5

6

7

8

9

10

11

12

13

14

Рубрики: Выставки

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах