<p>Ён прызначаны на 22 верасня. Сталічныя ўлады абяцаюць, што ў суботу павялічаць колькасць грамадскага транспарту.</p>

Як паведамляе БелТА, падчас акцыі «Дзень без аўтамабіля» ў Мінску будуць правярацца якасць аўтамабільнага паліва на аўтазапраўках, узровень таксічнасці выхлапных газаў. З вуліц і двароў прыбяруць кінутыя легкавікі, якія засталіся без гаспадароў. Запланаваны спартыўныя спаборніцтвы на экалагічна чыстых сродках перасоўвання: веласіпедзе, самакаце, роліках, скейце.

Штогадовая акцыя «Дзень без аўтамабіля», так папулярная ў замежжы, у нашай краіне праводзіцца з 2008 года. Яе асноўная мэта — звярнуць увагу людзей на якасць паветра.