Восень… Падыходзіла да заканчэння цяжкая праца на палях ды агародах. Вось час, калі рукі нашых продкаў адпачывалі, а душа цешылася за свірны і гумны, поўныя збожжа, за клеці і варыўні, поўныя агароднінай ды садавінай. Самы час адпачыць, сустрэць гасцей, ладзіць вяселлі! А дзе ж пагуляць? Вядома, на кірмашы! Там жа сустракалі сяброў, а часам знаходзілі сабе пару.
29 верасня з 12 да 16 гадзін
Запрашаем усіх узгадаць традыцыйныя восеньскія святы: Багач і Пакровы, далучыцца да старажытнага абрада «Жаніцьба лучніка», завітаць да «сапраўднага» шляхціча ў гульні «Пан Быкоўскі», патанцаваць пад музыку і спевы фальклорнага калектыва «Славянскі настрой» і прыняць удзел у забавах, конкурсах і гульнях.
Асаблівасцямі мерапрыемства «Восеньскі фэст» у гэты раз стануць:
- вясельны абрад «Каравай» Кобрынскага раёна Брэсцкай вобласці, рэканструкцыю якога прадэманструюць студэнты спецыялізацыі «Этнафоназнаўства» Беларускага дзяржаўнага ўніверсітэта культуры і мастацтваў;
- аджыліці (спаборніцтва сабак па бегу з перашкодамі);
- дабрачынная акцыя па пошуку новых гаспадароў для хатніх жывёл, якую ладзіць Грамадскае аб’яднанне аховы жывёл «Эгіда».
Падчас мерапрыемства, як у мінулым, за дадатковую плату раім: на кірмашы прыдбаць садавіны і агародніны, набыць сувеніры ад народных майстроў, падсілкавацца ў сапраўднай «Беларускай карчме».
Кошт білетаў – 18 000 руб.,
для дзяцей дашкольнага ўзросту – бясплатна.
Экспазіцыя музея працуе з 10.00 да 18.20. Каса працуе з 10.00 да 17.20.
Шаноўныя наведвальнікі!
- Калі ласка, паклапаціцеся аб абутку і вопратцы згодна з ўмовамі надвор’я.
- Музей пакідае за сабой права адмены ці замены асобных эпізодаў мерапрыемства.