Невялікая дружная кампанія слухачоў «Універсітэта Залатога Веку», якіх не спалохала няўстойлівае восеньскае надвор’е, праехала 7 кастрычніка на веласіпедах па самых маляўнічых куточках лесапарку ў Пышках.

Вецер у твар, дым вогнішча, смак травянога чаю ды спевы над Нёманам – гэта толькі частка прыемных уражанняў, якія спазналі ўдзельнікі гэтай вандроўкі.

УЗВ — гэта праект, адрасаваны актыўным сталым гродзенкам і гродзенцам. Удзел у ім могуць браць актыўныя сталыя людзі ў пенсійным ці перадпенсійным узросце.

Магчыма, такога кшталту выезды на прыроду на веласіпедах стануць традыцыйным спосабам нефармальнага адкрыцця кожнага новага акадэмічнага года «Універсітэта Залатога Веку».