Дні польскай фатаграфіі ў Віцебску

10.10.2012 - Новости

Дні польскай фатаграфіі ў Віцебску

 Імпрэзу адкрые выстава фатаграфій Пятра Мушаліка VANITAS («Марнасць»)

У сераду ў Віцебску пачынаюцца Дні польскай фатаграфіі. Імпрэзу адкрые выстава фатаграфій Пятра Мушаліка Vanitas («Марнасць»), паведамляе Polskie Radio S.A.

Vanitas Пятра Мушаліка – гэта цыкл вялікафарматных фатаграфій, выкананых на традыцыйных клішэ з 60-х і 70-х гадоў. Галоўная думка прац – хуткацечнасць часу, а таксама глыбокая рэфлексія над фатаграфіяй і фатаграфаванай матэрыяй.

Прасторай творчых пошукаў для Пятра Мушаліка з'яўляюцца вобразы і прадметы, узятыя са штодзённага жыцця. Сапсаваныя садавіна і гародніна, якія ўжо нікога не прывабяць смакам і пахам. Вобраз мёртвай натуры, замкнёны ў фотакадры, быў выбраны са звыклай рэчаіснасці, каб засведчыць пра яе сутнасць, якой, без сумнення, з'яўляецца час. Бескарысныя, адкінутыя, закляймёныя гніеннем дары прыроды Мушалік зрабіў прадметам сваіх разважанняў і мастацкай дзейнасці.

Экспазіцыю можна пабачыць да 11 лістапада ў Віцебску, у Арт-цэнты Марка Шагала, на вул. Путна, 2.

Рубрики: Выставки

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах