Гомельскі палацава-паркавы ансамбль прызнаны найлепшым музеем Беларусі

15.10.2012 - Новости

Гомельскі палацава-паркавы ансамбль прызнаны найлепшым музеем Беларусі

14 кастрычніка на цырымоніі закрыцця Першага нацыянальнага форума «Музеі Беларусі», што адбываўся ў Гродне з 12 па 14 кастрычніка, былі ўганараваны пераможцы конкурсу «Музеі Беларусі – трэцяму тысячагоддзю»

14 кастрычніка на цырымоніі закрыцця Першага нацыянальнага форума «Музеі Беларусі», што адбываўся ў Гродне з 12 па 14 кастрычніка, былі ўганараваны пераможцы конкурсу «Музеі Беларусі  трэцяму тысячагоддзю», паведамляе «Наша Ніва» са спасылкай на БелаПАН.

Гран-пры конкурсу атрымаў Гомельскі палацава-паркавы ансамбль.

Пераможцы і дыпламанты вызначаны ў 17 намінацыях. Так, у намінацыях «Лепшае прадстаўленне музея ў сродках масавай інфармацыі» і «Лепшае музейнае выданне» пераможцам прызначаны Нацыянальны мастацкі музей; «Лепшае навуковае праектаванне экспазіцыі» – Беларускі дзяржаўны музей гісторыі Вялікай Айчыннай вайны; «Лепшая работа рэстаўратара» – Гродзенскі дзяржаўны музей гісторыі рэлігіі; «Лепшы музей па арганізацыі турыстычнага абслугоўвання» – дзяржаўная гісторыка-культурная ўстанова «Гомельскі палацава-паркавы ансамбль».

Спецыяльную прэмію ў намінацыі «Лепшы рэгіянальны музей» атрымаў Нацыянальны Полацкі гісторыка-культурны музей-запаведнік.

Спецпрэміяй «За вернасць прафесіі» ўганаравана дырэктар Дзяржаўнага музея гісторыі тэатральнай і музычнай культуры Зінаіда Кучар. У намінацыі «Лепшы кіраўнік музея» пераможцам прызнаны дырэктар Нацыянальнага мастацкага музея Уладзімір Пракапцоў.

Памер Гран-пры складае 150 мільёнаў рублёў.

Пераможцы ў іншых намінацыях атрымалі сертыфікаты, грашовыя прэміі ў памеры 15 або 20 мільёнаў рублёў, а таксама каштоўныя прызы ад спонсараў першага нацыянальнага форума.

Як паведаміў старшыня журы, намеснік міністра культуры Тадэвуш Стружэцкі, сябры журы разгледзелі 175 заявак ад музеяў з усёй Беларусі. «Асабліва хочацца адзначыць музеі Мінскай вобласці, прадстаўленыя ў межах дэманстрацыйнай праграмы форуму. Гэта каманда прафесіяналаў, якая стварыла агульную атмасферу адказнасці за свой рэгіён», – сказаў Стружэцкі.

Ён выказаў спадзяванне на тое, што неўзабаве будуць падпісаны дамовы аб міжнародным супрацоўніцтве паміж беларускімі і замежнымі музеямі.

«Ужо сёння мы плануем правядзенне наступнага форуму. Яшчэ невядома, дзе ён будзе адбывацца. Мы будзем рады, калі Гродна прыме нас яшчэ раз. Магчыма, мы будзем выбіраць месца для правядзення наступнага музейнага форуму на конкурснай аснове. Калі вас няма на форуме – вас няма ў музейнай прасторы Беларусі. Таму ўсім музеям трэба імкнуцца прадставіць тут свае экспазіцыі», – падкрэсліў Тадэвуш Стружэцкі.

Рубрики: Музеи

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах