<p>На жаль, не знайшлося месца асобнаму залу, прысвечанаму рэлігійнай сітуацыі ў Заходняй Беларусі ў міжваеннны перыяд, якая, вядома, у склад СССР не ўваходзіла. Тут неабходна было б адзначыць і дзейнасць беларускіх ксяндзоў і палітыкаў Гадлеўскага ды Станкевіча, і спробы адраджэння Уніі, і палітыку Касцёла на тутэйшых землях. Такія заўвагі гучалі ад прысутных гісторыкаў</p>
25 кастрычніка адбылося ўрачыстае адкрыццё трох новых залаў унікальнага гродзенскага музея, паведамляе «Твой стыль».
У іх прадстаўлены перыяд ад канца XVIII ст. да нашых дзён. На адкрыцці прысутнічала некалькі дзясяткаў чалавек. Гасцей вітала дырэктар музея Людміла Карнілава. Паралельна была прэзентавана выстава сучасных мастакоў «Пад крыламі анёлаў».
Прайшла першая экскурсія па новых залах. Асаблівую цікавасць выклікала экспазіцыя, прысвечаная савецкаму перыяду 1917–1991 гадоў: антырэлігійныя плакаты і брашуры, а таксама цудам уратаваныя з-пад жорнаў ідэалогіі іконы і прадметы культу.
На жаль, не знайшлося месца асобнаму залу, прысвечанаму рэлігійнай сітуацыі ў Заходняй Беларусі ў міжваеннны перыяд, якая, вядома, у склад СССР не ўваходзіла. Тут неабходна было б адзначыць і дзейнасць беларускіх ксяндзоў і палітыкаў Гадлеўскага ды Станкевіча, і спробы адраджэння Уніі, і палітыку Касцёла на тутэйшых землях. Такія заўвагі гучалі ад прысутных гісторыкаў.
Адкрытыя залы з'яўляюцца заключнымі ў экспазіцыю музея ў былым палацы Храптовічаў.