Звяртаюць увагу і касцюмы ўдзельнікаў. «Я на балі першы раз, пакуль мне ўсё падабаецца», – прызналася пераможца конкурсу «Міс Беларусь-2008» Вольга Хіжанкова, паведамляе belsat.eu.

Праект «Палацавы баль у Нясвіжы» створаны Міністэрствам культуры Беларусі, каб адрадзіць старажытную традыцыю. Першы дабрачынны баль у замку прайшоў 10 лістапада. На яго прыехалі салісты оперы і балету Вялікага тэатра Беларусі і Вялікага тэатра Расіі, а таксама знакамітай санкт-пецярбургскай «Марыінкі».

Сімфанічны аркестр Беларускага дзяржаўнага акадэмічнага музычнага тэатра пад кіраўніцтвам маэстра Аркадзя Берына выконваў вядомыя вальсы. Выступілі таксама Дзяржаўны камерны аркестр Беларусі і дзяржаўны харэаграфічны ансамбль «Харошкі». На свята прыехалі зоркі тэатра і кіно Беларусі і Расіі.