На беларуска-польскай мяжы – вялікія аўтамабільныя чэргі

01.12.2012 - Новости

На беларуска-польскай мяжы – вялікія аўтамабільныя чэргі

Да вялікіх чэргаў на мяжы прывёў збой у інфармацыйнай сістэме Польшчы

Па інфармацыі на сайце памежнага камітэта, у сем гадзін раніцы ў «Брузгах» на выезд стаяла 450 легкавых аўтамабіляў – рэкорд для гэтага пункту пропуску, паведамляе Беларускае радыё «Рацыя».

На памежным пераходзе «Брузгі–Кузніца» з польскага боку, у памежнай службе нам паведамілі, што з боку Польшчы на гэты момант чаргі няма:

– На выездзе з краіны легкавых аўтамабіляў няма, ёсць грузавікі на выезд у Беларусь. На нашай частцы памежнага перахода легкавых аўтамашын фактычна няма. Машыны ёсць з беларускага боку, яны маглі б хутчэй пускаць.

Да вялікіх чэргаў на мяжы прывёў збой у інфармацыйнай сістэме Польшчы.

Як паведаміў БелаПАН прэс-сакратар Дзяржаўнага памежнага камітэта Беларусі Аляксандр Цішчанка, праблемы на мяжы пачаліся яшчэ 30 лістапада. «Пропуск ідзе вельмі марудна і на ўезд, і на выезд», – сказаў ён. 

У памежнай службе ў «Кузніцы» нам пацвердзілі інфармацыю пра пэўны збой у працы сістэмы:

– Інфармацыю прадставіць кампетэнтная асоба ў Беластоку – наш прэс-сакратар. Скажу толькі, што павольна працавала сістэма.

Па стане на 13 гадзін паводле беларускага часу, на выезд з Беларусі чакала 200 аўтамабіляў у «Брузгах» і 120 – у «Бераставіцы». На ўезд чэргаў не было, падае сайт Дзяржаўнага памежнага камітэта Беларусі. 

Яна Запольская

Рубрики: Граница

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах