Хто на Вадохрышча плаваў у палонцы, таму рэспект і ўважуха, а хто не, таго праект Kрай.By запрашае акунуцца ў свежасць непаўторных мясцін нашай Радзімы!
Сёння каманда праекту выпраўляецца на захад Беларусі і ўглыб вякоў, дзе яе чакаюць чарговыя нарысы фантастыкі айчыннага дойлідства. Акрамя таго, часава-геаграфічная вандроўка дасць адказ на пытанні: «Ці рэальна ў беларускай шыраце гадаваць кароў і расціць ананасы адначасова?», «Ці ёсць розніца паміж тэрмінамі скарбніца, скарбонка, скарбец і скарбчык?» і набалелае «Чорт пабяры, а ці ёсць сярод падземных хадоў у гэтым краі хоць адзін сапраўдны, а не выдуманы?»
Калі вам зусім не цікава, у якім месцы раслі дрэвы з імёнамі Вера, Надзея, Любоў, дзе жывуць самыя чароўныя азярніцы на свеце, то вы, канечне, можаце з намі і не ехаць. Але потым не дзівіцеся, што не ведаеце, дзе ж распачаўся даўншыфтынг беларускі!
Інфармацыйныя партнёры праекта: