Старажытная гульня «Жаніцьба Цярэшкі», дагэтуль з’яўляецца любімым баўленнем часу жыхароў аграгарадка Радзюкі. Штогод «жэняць» Цярэшку, і, як ні дзіўна, моладзь разам са старэйшымі, паведамляе
— Жыхары аграгарадка ведаюць, што на Каляды мы заўсёды ладзім гульню і збіраюцца паўдзельнічаць у гэтым вясёлым і арыгінальным дзеянні, — прызнаецца мастацкі кіраўнік сельскага Дома культуры Алена Маісеева.
Перад пачаткам дзеі ўдзельнікі мясцовай нацыянальнай народнай кухні «Груца» пякуць бліны на калодзе.
Як звычайна, «Цярэшка» пачыналася з выбрання бацькі і маці. Яны пад гукі «Лявоніхі» злучалі 5-6 пар для ўдзелу ў ігрышчы. Затым арганізоўваліся розныя гульні. Напрыклад, гульня «Падушачка» дазваляла выбраць некага для пацалунка. У гульні «Іван ды Марыйка» хлопец з завязанымі вачыма павінен злавіць дзяўчыну.
— Праводзім і старадаўнія гульні «Ручаёк», «Цотка і лішка», «Галубкі» і іншыя, — расказвае дырэктар Дома культуры Таццяна Лаздоўская.
Пры завяршэнні ігрышча «бацькі» бласлаўлялі маладыя пары і частавалі гарачымі блінамі.
Кацярына СОСНА
Фота Валерыя КАВАЛЁНКА