Гурт Ave з Гродзенскай вышэйшай духоўнай семінарыі 9 лютага зладзіў канцэрт у Музеі гісторыі рэлігіі, паведамляе «Твой стыль».

Клірыкі-семінарысты другога і чацвёртага курсаў выканалі хрысціянскія песні на беларускай, рускай і польскай мовах.

Ave выступае ў музеі штогод. Сёлета гэта атрымалася напярэдадні пачатку Вялікага паста ў каталікоў.

У канцы клірыкі прапанавалі залі праспяваць адну з песень разам. На сцэну выйшлі дзяўчаткі, якія падтрымалі прапанову і дапамаглі астатнім прысутным справіцца з заданнем.

Ксёндз Валерый Быкоўскі – былы ўдзельнік гурта Ave ў часы навучання ў семінарыі.