Біфоліум Скарынавай «Бібліі» прадаецца за 9000 долараў

12.03.2013 - Новости

Біфоліум Скарынавай «Бібліі» прадаецца за 9000 долараў

Музей гісторыі Магілёва збіраецца выкупіць новыя кніжныя рарытэты

Музей гісторыі Магілёва збіраецца выкупіць новыя кніжныя рарытэты, паведамляе «Наша Нiва». 

На аўкцыёнах старадрукаў адшукаўся чарговы лот, які ўяўляе культурную каштоўнасць для Беларусі — частка кнігі Францыска Скарыны. Пра гэта паведаміў Андрэй Радкоў, які браў удзел у выкупе Статута ВКЛ.

«Знойдзены лот — гэта асобны аркуш з «Кнігі Царстваў», з дакладнасцю 99% надрукаваны ў 1518 годзе. Фактычна гэта асобная старонка, якая не была падшыта ў фаліянт. Прадаваны ліст, бясспрэчна, уяўляе культурную каштоўнасць для Беларусі, бо ў краіне ёсць толькі адзін асобнік Скарынавай «Бібліі» – канвалют з 10 ягоных кніжак», — кажа Радкоў.

Па словах Радкова, перамовамі з прадаўцом займаецца дырэктар Музея гісторыі Магілёва Аляксей Бацюкоў. «Цяпер лот знаходзіцца па-за межамі Беларусі.

Некалькі гадоў таму ўладальнік набыў аркушы Скарынавай «Бібліі» на аўкцыёне за 9 тысяч долараў. Прадаць ён пагадзіўся па той самай цане».

2
Ліст з «Кнігі Царстваў», надрукаванай Скарынам
Гісторыкі прыглядаюцца і яшчэ да аднога гістарычнага выдання.
«Мы знайшлі ў продажы і «Апостал» магілёўскага друкара Спірыдона Собаля,

які ў першай чвэрці XVII стагоддзя заснаваў друкарню пры Богаяўленскім манастыры. Кніга знаходзіцца не ў Беларусі, яна ацэнена ў 10 тысяч долараў ЗША. Мы разлічваем на дзяржаўную дапамогу, але патрэбную суму наўрад ці атрымаем. Было б выдатна, калі б Магілёў, які сёлета з’яўляецца культурнай сталіцай краіны, атрымаў гэтую кнігу», — паведамляе Андрэй Радкоў.

* * *

Кожны можа дапамагчы збору сродкаў, пералічыўшы грошы на рахунак музея:

УК «Музей гісторыі Магілёва»: 212030, Магілёў, вул. Ленінская, 1а

рахунак:

УНП 790203960

Філіял 700 МАУ ААТ «АСБ Беларусбанк» МФО 153801536

р/р3642014673147 Магілёў, вул. Першамайская, 71 Мэта плацяжа: На развіццё музейнай справы і ахову гісторыка-культурнай спадчыны (для пакупкі кнігі Скарыны ці кнігі Спірыдона Собаля).

Увага: бухгалтэрыя музея просіць дакладна і цалкам пазначаць мэту плацяжа.

Кірыла Хілько

Рубрики: Музеи

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах