Сёлета фэст адбываецца 19-20 красавіка, у праграме – 13 экскурсій па Гродне. Першай стала экскурсія па касцёлу Звествання Маці Божай і былым брыгідскім манастыры (на рагу вул. Маркса і Маладзёжнай), якую правёў рэктар касцёла кс. Антоні Грэмза.
Кс. Антоні правёў удзельнікаў экскурсіі па касцёлу і яго сутарэннях, а таксама паказаў унікальны драўляны лямус. У сутарэннях ужо некалькі год існуе невялікі музейчык.
Карэспандэнту удалося даведацца крыху пра планы рэстаўрацыі кляштарнага комплекса. Гэтак, мае быць аднолена брама, што колісь існавала з боку Дома сувязі, а ў адрэстаўраваным лямусе размесціцца дыяцэзіяльны музей. На аднаўленне званіцы, знішчанай у савецкі час, грошай няма.
Са спісам усіх экскурсій у Гродне можна азнаёміцца тут.
Аляксей Табяшэўскі Ян Лялевіч
Здымкі Яна Лялевіча