На тэрыторыі аэрапорта «Мінск-2» адкрыўся яшчэ адзін музей самалётаў

28.05.2013 - Новости

На тэрыторыі аэрапорта «Мінск-2» адкрыўся яшчэ адзін музей самалётаў

У 40 км ад Мінска, на тэрыторыі аэрапорта «Мінск-2», адкрыўся яшчэ адзін музей самалётаў. Адрозненне ад іншых двух, што ўжо працуюць у Баравой і ля «Мінска-1», — магчымасць пабачыць буйныя самалёты кшталту «Ту-154M»

У 40 км ад Мінска, на тэрыторыі аэрапорта «Мінск-2», адкрыўся яшчэ адзін музей самалётаў. Адрозненне ад іншых двух, што ўжо працуюць у Баравой і ля «Мінска-1», — магчымасць пабачыць буйныя самалёты кшталту «Ту-154M», паведамляе Generation.by.

Cамалёты выстаўленыя пад адкрытым небам, злева ад будынка Нацыянальнага аэрапорта «Мінск», калі стаяць да яго тварам. Большасць самалётаў актыўна эксплуатавалася ў Беларусі ў савецкія часы. Найбольш выпадковых пасажыраў аэрапорту і мэтанакіраваных наведвальнікаў музею радуе яго даступнасць: жадаючы можа не толькі паглядзець, але і дакрануцца да экспанатаў.

На тэрыторыі музея цяпер можна пабачыць шэсць самалётаў. У гэтым шэрагу прадстаўлены легендарны пасажырскі лайнер «Ту-154M», якіх у працоўным стане ў Беларусі засталося толькі тры экземпляры. На пляцоўцы зараз знаходзіцца і дзеючы грузавы самалёт «Ил-76ТД», які нават паспеў «зняцца» ў кіно ў Марока. Супрацоўнікі музею абяцаюць, што ў хуткім часе яго заменяць на спісаны.

1

Таксама ў музеі можна пабачыць савецкі «кукурузнік» «Як-40», што дагэтуль выкарыстоўваюць у беларускай сельскай гаспадарцы, найбольш эксплуатаваны ў савецкія часы ў Беларусі пасажырскі лайнер «Ту-134А», а таксама невялікі «Ан-24РВ».

2

Дабрацца да музея можна на аўтобусах 173Э ці 300Э з аўтавакзала «Цэнтральны», якія ходзяць да Нацыянальнага аэрапорту. Альтэрнатыўны варыянт падарожжа — на веласіпедзе з сябрамі: адлегласць складае прыкладна 35 км ад МКАД.

3

Рубрики: Музеи

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах