Асноўная ідэя мерапрыемства – сцвярджэнне і актуалізацыя святкаванняў русальна-купальных і сёмушных традыцый сярод сучасных беларусаў.
Падчас свята кожны наведвальнік пазнаёміцца з народнымі русальна-купальскімі і сёмушнымі традыцыямі беларусаў, паўдзельнічае ў гульнях, забавах, карагодах, конкурсах, спевах. Будзе дзе душы разгуляцца! Адметная рыса мерапрыемства – этнадыскатэка – беларускія народныя танцы «Лявоніха», «Кракавяк», «Падэспань», «Млын», «Ва саду л»і, «Грачанікі», «Верабей», «Гапак», «Мільён», «101», «Полька з камандамі» і інш.
Падчас свята Вас чакаюць:
- майстар-клас па пляценню вянкоў;
- дэфіле–прэзентацыя народных строяў;
- выступленні фальклорных калектываў «Страла», «Рада», «Талака», «Кроса», «Этнасуполка» кафедры этналогіі і фальклору Беларускага дзяржаўнага ўніверсітэта культуры і мастацтваў.
Кожны наведвальнік зможа:
- паўдзельнічаць у конкурсе сярод наведвальнікаў па намінацыях «Традыцыйны строй», «Строй–рэканструкцыя», «Русальны вянок», «Дзявіца–краса ? доўгая каса», «Русальны строй»;
- убачыць канцэртную праграму фальклорных гуртоў Міншчыны;
- павадзіць карагоды вакол вогнішча;
- набыць розныя прысмакі ў «Беларускай карчме» і лепшыя сувеніры ў народных майстроў.
Кошт квіткоў ? 55 000 бел.руб. праз www.kvitki.by
Бясплатны уваход маюць наведвальнікі, якія будуць апрануты ў поўны народны строй, дзеці дашкольнага ўзросту
Экспазіцыя музея працуе з 10.00 да 20.00. Каса працуе з 10.00 да 17.20.
Шаноўныя наведвальнікі!
Калі ласка, паклапаціцеся аб абутку і вопратцы згодна пагодных умоў.