Жыхарам Падляшша прадставяць сучаснае беларускае Палессе, паведамляе
Фотавыставу плануе правесці Польскі Інстытут у Мінску. Ідэя нарадзілася ў час арганізацыі ў Беларусі вернісажу вядомага польскага фотамастака Томаша Тамашэўскага, паведаміў намеснік дырэктара Польскага Інстытута ў Мінску Томаш Адамскі:
- Раней былі паказаны здымкі Зоф'і Хаментоўскай, таксама з Палесся, але гэта архіўныя здымкі з 30-х гадоў ХХ стагоддзя. Плануем новы праект, які паказаў бы сучаснае Палессе: з Мінска ў кірунку Пінска. Гэта супольны беларуска-польскі праект, у які запросім фатографаў з Польшчы і Беларусі, каб зрабіць фатаграфічны пленэр і задакументаваць увесь гэты рэгіён.
Пры паспяховай рэалізацыі праекта жыхары Падляшша пабачаць выставу ўжо ў наступным годзе.