Як мы раней паведамлялі, 22 чэрвеня ў Астравецкім раёне Гродзенскай вобласці меўся адбыцца музычна-літаратурны фэст, прысвечаны 150-годдзю паўстання пад кіраўніцтвам Кастуся Каліноўскага.
Чакаліся выступленні бардаў, паэтаў і бойка рыцараў клуба Freie Stadt («Вольны горад»).
Месцам правядзення было выбрана возера Кайміна. Але, як паведамляюць арганізатары, улады Астравецкага раёна адмовіліся даць дазвол на правядзенне фэста, спасылаючыся на і без таго даволі напружаны графік разнастайных культурных мерапрыемстваў і фэстаў у раёне.