Разбудоўваецца беларуска-польскі памежны пераход Пясчатка - Полаўцы, паведамляе
Якраз завершылася рэалізацыя другога этапа інвестыцыі, фінансаванага са сродкаў еўрапейскай праграмы Польшча-Беларусь-Украіна. Паабапал мяжы ўзніклі новыя будынкі для пашпартнага і мытнага кантролю, будынак вартаўніка, восем каналаў адпраўкі пасажыраў, кажа галоўны інспектар дзяржаўнага мытнага камітэта ўпраўлення развіцця мытнай інфраструктуры Рэспублікі Беларусь Святлана Бусел:
- Будаўніцтва новага пункта пропуску дасць магчымасць павялічыць прапускную здольнасць да 1130 аўтамабіляў у суткі. Пойдуць грузавы транспарт, аўтобусы , і, канешне, у перспектыве, калі будзе пабудаваны пункт пропуску, ён набудзе статус міжнароднага.
Агульны кошт пабудовы пераходу складае больш чым 40 мільёнаў еўра.
Завяршэнне ўсіх работ плануецца на пачатак 2015 года. Пасля канчатковай мадэрнізацыі памежнікі будуць адпраўляць каля двухсот грузавікоў і 50 аўтобусаў у суткі.
Лукаш Леанюк. Фота аўтара