Фестываль музыкі маладой Беларусі «Басовішча» пачынаецца ўжо ў гэтыя выхадныя ў Гарадку. 24-ты раз на сцэне ва ўрочышчы Барык выступяць беларускія ды польскія музыкі. Як і штогод, у Гарадок з’едуцца аматары рок-музыкі з розных краін, паведамляе
«Басовішча» - гэта адна з самых важных музычных падзей для жыхароў Гарадка і ваколіц.
Дзяўчынка: Нам вельмі падабаецца музыка і атмасфера. З года ў год кажуць, што не будзе «Басовішча», але неяк трымаецца і няхай будзе.
Спадарыня: Хай людзі прыязджаюць. Было вельмі шмат, а цяпер з усёй Польшчы едуць, едуць нават з-за мяжы.
Спадар: На «Басовішча» беларусы прыязджаюць. Вельмі падабаецца.
Спадарыня: Калі нехта прыйдзе, то я ж ім нічога не буду шкадаваць, вады ці месца пад намёт, а нават могуць спаць і ў хаце, бо ёсць месца.
Сёлетні фестываль «Басовішча» пачынаецца ў гэтую пятніцу. На сцэне сярод іншых выступяць: Pomidor/off, Relikt, Vinsent, The Toobes.
Лукаш Леанюк
Фота аўтара