Супрацоўнікі прадпрыемства «Гарсвятло» дэмантавалі цыферблат пінскага гарадскога гадзінніка. Ён мясціўся на будынку былога езуіцкага калегіума, што на галоўнай плошчы сталіцы Палесся, паведамляе .
Спецыялісты сцвярджаюць, што новы цыферблат даставяць з Мінска праз тыдзень. Адноўлены гадзіннік, магчыма, кожную гадзіну будзе адбіваць мелодыю гімна горада.
Механізм «пінскіх курантаў» зроблены 100 гадоў таму і добра захаваўся. Спачатку гадзіннік быў усталяваны на фасадзе аднаго з мясцовых банкаў, а потым заняў месца на будынку калегіума. За савецкім часам гадзіннік граў мелодыю песні «Где же вы теперь, друзья-однополчане».
